19 апрельдә Бөек Ватан сугышы елларында нацистлар һәм аларның булышчылары тарафыннан совет халкына карата геноцид (юк итү) үткәрү истәлегенә Бөтенроссия бердәм хәрәкәтләр көне билгеләп үтелә
1943нче елның 19 апрелендә СССР Югары Советы Президиумының совет гражданнарын һәм әсир кызылармиячеләрне үтерүдә һәм җәзалауда гаепле немец-фашистлары, шпионнар, совет гражданнары булган сатлыкҗаннар, аларның тарафдарлары өчен җәза чаралары турындагы 39нчы санлы указы басыла. Документ нацистларның оккупацияләнгән территорияләрдә тыныч халыкны юк итү буенча максатчан һәм масштаблы сәясәтен һәм җинаятьләрнең җәзасы булырга тиешлеген тануның беренче факты була.
Буген мәктәбебездә әлеге тарихи көнгә багышланган класс сәгате үтте. Ахырдан укучылар видеофильм карадылар, фикер алыштылар.

Әйләнә-тирәне чистарту өмәсендә тырышып эшләдек.

Күңел табигатькә ашкына. Халык табиблары исә язгы табигатькә чыгу ул матурлык белән хозурлану гына түгел, ә беренче язгы бөреләрне дә җыя торган чак, ди. Аларның әйтүенчә, бөреләрдәге биологик актив матдәләр организмдагы барлык алмашу процессына стимул булып тора. Халык медицинасында каен бөресен элек-электән кулланалар. Аның бәвел кудыру, шешенүләргә һәм төрле ялкынсынуларга каршы тору сәләте билгеле. Каен бөресе шулай ук салкын тигәндә, ютәлдән, паразит суалчаннардан килешә.
Ел саен укучыларыбыз каен бөресе җыюда актив катнаша. Әлеге чара белән алар кешегә никадәр файда китерәләр.

Яз − матур, шатлыкларга бай, күңелле вакыт, ләкин һәр ел фасылындагы шикелле, яз көне дә төрле хәвеф-хәтәрләр саклап тора. Нәрсәләр язгы чорда аеруча куркыныч соң?
Әлеге сорауга җавп бирү очен мәктәбебез укучыларына “Язгы чорда янгын куркынычсызлыгы” дигән темада инструктаж дәрес уткәреп, куркынычсызлык кагыйдәләрен искә төшердек. Ут белән уйнау яки саксыз эш итү нинди бәхетсезлекләр китереп чыгарырга мөмкин икәнен анлатып, видеоматериаллар ярдәмендә тәрбия-белем бирелде.

Бөек шагыйребез Габдулла Тукайны искә алдык.
26.04.1886 - 15.04.1913
Ятимлеге аның - язмыштандыр,
Бөеклеге ләкин - халыктан!
Тукай үзе - халкын үксезлектән
Йолып алыр өчен калыккан!

"Без Тукайны укыйбыз" акциясенә Кушлавыч мәктәбе укытучылары кушылды.

https://vk.com/public212131492?w=wall-212131492_1154 

1961 елның 12 апреле - дөнья күләмендә тарихка кереп калган истәлекле дата. Бу көнне Советлар Союзы космонавты Юрий Гагарин "Восток - 1" космик корабында "Байконур" космодромыннан старт ала һәм дөньяда беренче тапкыр җир планетасынаң орбитасын әйләнеп чыга. Вакытында илнең космосны яулап алудагы кыю адымын мәңгеләштерү максатыннан бу тарихи дата Космонавтика көне дип билгеләнеп үтә башлый. Шул уңайдан мәктәбебездә күп чаралар үткәрелде. Укучыларга “Гагарин: Первый в космосе “ дигән фильм күрсәтелде. “Движение первых” оешмасы укучылары космоска багышланган квест үткәрделәр, стендгазета чыгардылар.

Татарстанда 1 апрельдән 31 майга кадәр торак пунктлар территорияләрен чистарту буенча санитар-экологик икеайлык уза. Без дә әлеге айлыкта катнашабыз.
Бүген өлкән сыйныф укучылары белән "Чүп – табигатьнең дошманы!" дигән темага экологик сәгать үтте.
Чараның максаты-балаларның кеше гаебе белән килеп чыга торган экологик проблемалар турында күзаллауларын киңәйтү, табигатькә һәм барлык тереклеккә сакчыл мөнәсәбәт тәрбияләү, балаларны табигатьне саклау чараларында катнашу теләген уяту. Бүгенге тәрбия сәгатендә шулай ук калдыкларны икенчел чималга әйләндерү максатыннан, аларны аерым җыю мәсьәләләре турында сөйләштек, интерактив уеннар уйнадык.