1926 нчы елдан башлап, 1 апрель - Бөтендөнья кошлар көне дип билгеләнеп үтелә. Безнең мәктәбебез укучылары да һәр яз саен, сыерчык оялары ясап, канатлы дусларыбызны сөендерәләр. Тиздән алар ясаган ояларга яңа хуҗалар килер, балаларга рәхмәт әйтеп, канатларын кага-кага, матур җырларын сузар.

Бүген, 1нче апрель көнне Кушлавыч төп гомуми белем мәктәбендә 9нчы сыйныф укучылары татар теле буенча бердәм республика тестына әзерлек максатыннан сынап карау имтихан эше башкардылар.

Нәүрүз мөбәрәкбад!
Безнең әби-бабаларыбыз һәр елның 21нче март көнендә бер-берсен шулай сәламләгән. Ул Яңа елның беренче көне булган, чөнки беренче төрки-фарсы календаре буенча яз башы - көн белән төн тигезләшкән вакыт - яңа елның башы саналган. "Нәүрүз" сүзе безгә фарсы теленнән кергән, татарча "яңа көн" дигәнне аңлата. Әлеге бәйрәм беренче булып Иранда билгеләп үтелә. Шуннан соң бу бәйрәмне, мөселман йолаларына яраклаштырып, барлык төрки халыклар да үткәрә башлаган.
Хәзер Нәүрүз бәйрәме яңа эчтәлек белән тулылына. Бәйрәмдә Нәүрүз гүзәлен билгелиләр, яңа уеннар, яңа йолалар башкаралар...

Тулырак чыганакта.

Агымдагы атнада Арча районы Утар Аты төп гомуми белем мәктәбендә башлангыч һәм татар теле укытучыларының "ФГОС (ФДББС) шартларында уку-укыту процессын интенсивлаштыру" дигән темага район семинарында катнаштык. Мәктәптә мастер-класс күрсәтү белән берлектә кул эшләре күргәзмәсе оештырылган иде. Төрле юнәлешләрдә дәресләр каралды. Килгән укытучылар күп яңалыклар алып китте.Дәресләрдән соң экологик темага класстан тыш чара күрсәтелде. Түгәрәк өстәл артында сөйләшү вакытында, мәктәп эшчәнлегенә район мәгарифе бүлеге җитәкчесе дә уңай бәя бирде.

Бүген Арча муниципаль районы буенча ГТО нормативларын тапшыралар. Мәгариф хезмәткәрләре дә әлеге чарадан читтә калмыйча актив катнаша. Хезмәткәрләребез чаңгыда йөрү, турникта күтәрелү, отжимание, гер күтәрү һ.б. төрләрдә үзләренең көчләрен сыныйлар.

Всероссийский «Конкурс видео мастер-классов по декоративно-прикладному творчеству «В гостях у сказки», посвященный 130-летию Г.Тукая»...
"Г.Тукайның тууына 130 ел тулуга багышланган, кул эшләре сәнгатенең "Әкияттә кунакта" Россиякүләм видео мастер-класслар бәйгесе"

Бүген, 11 Март - Россиядә "Наркотик әйләнешен тикшерүчеләр көне". Шул уңайдан класс сәгатьләрендә "Замана афәтеннән саклан!" дигән темага тәрбия чаралары узды.

Уйный-уйный өйрәнәбез! Балалар өчен мавыктыргыч уеннар дәрестә һәрвакыт ярдәм итә. Моны истә тотып укытучыларыбыз дәресләрендә һәрдаим хәрәкәтле уеннар да һәм беррәттән мультимедиа уен-ярдәмлекләрне да бик урынлы кулланалар.

Мультимедиа ярдәмлекләрне чыганактан күчермәләп алырга була.

Мәктәбебездә "Бердәм тату гаилә" дип исемләнгән гаилә бәйрәме булып узды. Бәйрәмдә әтиләр һәм әниләр төрле ярышларда көчләрен сынаштылар. Ярышлар балалар әзерләгән концерт номерлары белән бәйләнеп барды.

Тиздән әниләр бәйрәме. Әлеге матур бәйрәмгә башлангыч сыйныфларыбыз технология дәресләрендә ел саен үз куллары белән әзерләнгән бүләк ясыйлар. Бу бәйрәмгә иң кулай бүләк, әлбәттә, чәчәкләр. Бергәләп ясарга теләсәгез сылтама буенча чыганакка кереп мультимедиа презентацияне куллана аласыз.