Бүген авылыбызда 2021 ел нәтиҗәләре буенча отчет җыелышы узды. Бакчабыз эшчәнлеге буенча күргәзмә оештырдык. 

15 февраль - татар халкының легендасы Илһам Шакировның туган көне. Бүген балалар белән җырчының тормыш юлы, иҗаты белән таныштык, презентация карадык, җырларын тыңладык.

Кечкенәләр төркеменнән Мифтахов Хәлим әтисе Искәндәр белән республикакүләм бәйгедә катнаша. Аларга уңышлар телибез, нәтиҗәләрне көтеп калабыз.

Балаларга кечкенәдән үк “юл грамотасы” өйрәтү, аларда юл йөрү күнекмәләре формалаштыру, әти-әниләрнең, тәрбиячеләрнең изге бурычы.Балаларда юл йөрү кагыйдәләрен төгәл үтәргә омтылыш тәрбияләү балалар бакчасыннан башлана.

Безнең балалар бакчасында да нәниләрнең гомуми үсешенә ярдәм итүче, юлларда үз-үзеңне хәвефсез тотарга өйрәтүче төрле чаралар үткәрелә.Балаларга юл йөрү кагыйдәләрен өйрәткәндә төрле алымнар һәм методлар кулланыла.

Балалар кышны яраталар, чөнки бу елның иң матур вакыты. Кыш көне таудан шуу, чанада, чаңгыда һәм тимераякта йөрү , кар өстендә рәхәтләнеп уйнап йөрү мөмкинлеге бар.  Кыш көне ачык һавада хәрәкәтчән уеннар һәм күңел ачулар гаять зур шатлык  һәм сәламәтлеккә бәяләп бетергесез файда. Без дә бүген балалар белән рәхәтләнеп урамда уйнадык, уен мәйданчыгының карын көрәдек. Аларның матур, алсу йөзләренә карап күңел сөенә.

Балаларыбызның чираттагы уңышлары. Районкүләм "Голосок" бәйгесендә "Балачак егетләре" төркеме "Ансамбль" номинациясендә беренче урынны яуладылар. Егетләребезгә, бәйгене оештыручыларга олы рәхмәтебезне белдерәбез.

Бүген 8 февральдә Берләшкән Милләтләр Оешмасы ассамблеясе карары нигезендә яшь антифашистларны искә алу көне билгеләп үтелә. Канкойгыч сугышның нәни геройлары әтиләре, абыйлары, комсомол һәм коммунистлар белән бергә, чын мәгънәсендә, геройларча батырлыклар күрсәтә. Алар сугышның иң кайнар нокталарында була. Бүген без дә авылыбыз китапханәсендә балалар белән бергә яшь геройларны искә алып үттек. Балалар хәтерендә аларның батырлыклары мәңге сакланыр дип ышанасы килә.

Бакчабыздан Галиуллин Риназ әтисе белән бәйгедә катнаша. Аларга уңышлар телибез, бәйгенең нәтиҗәсен көтеп калабыз.

Коллектив  белән бергәләп бакчабыз территориясен кардан чистарттык.

Балаларга театр турында белем бирү, театрның төрләре белән таныштыру.Балаларның театр сәнгате үзенчәлекләрен үзләштерү аша сөйләм телен,  иҗади сәнгатьне үстерү, аралашу культурасы , сәнгатькә һәм мәдәнияткә кызыксыну һәм хөрмәт тәрбияләү. Төрле театральләшкән тамашалар күрсәтү аша балаларда артистлык сәләтен үстерү.