Март ае – яз башы, бик матур ай. Бу ай озак заманнар буе яңа елның беренче ае булып йөргән. Язның көн белән төн тигезләшкән вакыты 21 – 22 март – Нәүрүз бәйрәме буларак билгеләнеп үтелгән. Нәүрүз – язны каршылап, язгы чәчү эшләре алдыннан үткәрелә торган халык бәйрәме ул. Безнең дә бүген бакчабызда Нәүрүз бәйрәме гөрләп үтте. 

Кечкенәләр төркеме. Бу атнада бездә өч туган көне бәйрәме.Дусларыбыз Хәлимне, Райнурны, Риназны чын күңелдән котлыйбыз.

Котлы булсын туган көннәрегез

Көлеп торсын һәрчак күзләрегез.

Матур булсын тормыш юлларыгыз,

Сез бит безнең яраткан дусларыбыз.

"Әти белән бергә" республикакүләм бәйгенең нәтиҗәләре билгеле булды. Бакчабыздан Риназ белән Хәлимне кайнар котлыйбыз, икесенә дә беренче урын. Тәрбиячеләргә, әти-әниләргә зур рәхмәтебезне белдерәбез.

Бүген зурлар төркемендә балалар суган һәм борчак утыртылар.Тәҗрибәнең төп максаты булып, балаларда суган, борчак үстерү теләге тудыру, хезмәткә хөрмәт тәрбияләү, аларның файдалы яшелчә икәне турында төшенчә бирү, яшелчәләр үстерү турында белемнәрен тулыландыру булды. Үсентеләребез кайчан үсеп чыгар, бергәләп күзәтеп торачакбыз.

Бүген бакчабыздан Шакиров Раяз һәм Мифтахова Сөмбел районкүләм шашка ярышларында катнашып кайттылар. Молодцы! Киләчәктә зуррак уңышлар насыйп булсын!

Татар халкының милли киемнәре, милли бизәкләре белән танышуны, булган белемнәрне ныгытуны дәвам итәбез. Бүген кисеп ябыштыру эшчәнлегендә татар халкының милли бизәкләре белән алъяпкыч бизәдек.

Алъяпкычымның бизәкләре

Ерактан да күренә.

Аллы – гөлле чәчәк төшкән

Килешәдер һәркемгә.

Бүгенге көндә мәгариф системасындагы эшчәнлек көн саен үзгәреп тора. Шуны исәпкә алып, без, тәрбиячеләр, укытучылар, балаларны шул үзгәрешләрне җиңеп чыгарлык итеп тәрбияләргә тиешбез. Бүгенге көндә мәктәпләр, балалар бакчалары федераль дәүләт белем бирү стандартын гамәлгә ашыру буенча эш алып баралар. Федераль дәүләт белем бирү стандартын гамәлгә ашыруның төп принциплары булып дәвамчанлык һәм үсеш тора. Шул уңайдан бүген мәктәптә башлангыч сыйныф укытучылары һәм бакчабыз тәрбиячеләре белән педагогик киңәшмә узды.

"Нинди бәйрәм соң ул "Нәүрүз"? Бүген балалар белән шушы темага әңгәмә үткәрдек, бәйрәмгә кагылышлы фотолар, презентация карадык.

Бакчабыздан тәрбияче Гафурова Рафия Ансар кызы районкүләм бәйгедә катнашып беренче урынга лаек булды. Котлыйбыз, уңышлар телибез!

Яшенә, сәламәтлегенә карамастан бу уенны һәрбер кеше уйный ала.Шашка уйнау кечкенә балаларда зирәклек, җитезлек һәр адымны уйлап эшләү, игътибарлылык, тиз фикер йөртү кебек сыйфатлар үстерә. Безнең төркемдә малайлар да, кызлар да шашка уйнарга ярата. Шашка уены буенча төркем эчендә без төрле ярышлар да үткәреп торабыз.