Бүген мәктәп территориясен  җыештыру буенча өмә оештырылды.

Укучыларда китапка мәхәббәт тәрбияләү, китап укуга кызыксыну уяту, кеше тормышында китапның зур әһәмияткә ия булуын ачыклау, уку тизлекләрен арттыру максатыннан, озынайтылган көн төркемендә тәрбияләнүче укучылар белән көн саен матур китаплар укыйбыз. Китап укыган бала акыллы, белемле, чиста күңелле була.

 “Туган телем сагында” акциясен йомгаклап, Мөндеш башлангыч мәктәбендә “Кем  зирәк,  әйт  тизрәк” дигән табышмаклар кичәсе" үткәрелде. Балаларга  халык  авыз иҗатының  бер  төре булган табышмакларның килеп чыгу тарихы турында аңлатылды. Укучылар үзләренең  тапкырлыкларын күрсәттеләр, табышмакларга җаваплар таптылар. “Татар халык иҗаты” исемле  китап күргәзмәсе белән  таныштылар.

Без бүген Мөндеш башлангыч мәктәбе укучылары балалар бакчасына кунакка кердек. Алар безгә "Алтын көздә кунакта" исеме астында бик эчтәлекле, матур чара күрсәттеләр. Балалар бакчасы белән мәктәп арасындагы дәвамчанлык озак еллар буе уңышлы гына бара. Алга таба да шулай бергә-бергә дус-тату эшләргә насыйп булсын.

Сегодня были проведены тематические кинопоказы, посвященные Дню вхождения в состав России освобожденных территорий.

Мөндеш башлангыч мәктәбе укучылары “Туган телем  сагында” атналыгы кысаларында, “Салават күпере” һәм “Сабантуй” журналлары битләре буенча “сәяхәт”тә катнаштылар. Журналларның эчтәлеге, андагы сәхифәләр турында әңгәмә үткәрелде. Балаларга аеруча яшьтәш укучыларының иҗаты белән танышу ошады.

Мөндеш башлангыч мәктәбе укучылары, “Туган телем  сагында” атналыгы кысаларында, Мөндеш авылы китапханәсендә кунакта булдылар. Туган тел турындагы китаплар урнаштырылган күргәзмә белән танышу кызыклы да, файдалы да булды. “Табышмак әйтәм - җавабын тап”, “Мәкальнең дәвамын бел” уеннарында да актив катнашты укучыларыбыз. Телебезнең тарихын,  матур әсәрләрен үз битләрендә саклаучы китапларны күбрәк укырга һәм саклап тотарга  кирәк дигән нәтиҗә ясалды.

Мөндеш башлангыч мәктәбе укучылары, “Мин һәм Кызыл китап” Республика конкурсының муниципаль этабында катнашу максаты белән, табигый материал һәм кәгазьдән эшләнмәләр ясадылар. Юкка чыгу куркынычы янаган үсемлек, гөмбә һәм хайваннар турында әңгәмә үткәрелде, аларның әһәмияте турында сөйләнде.

Мөндеш башлангыч мәктәбенең 2нче г классы укучылары да "Туган телем сагында" акциясенә кушылды. "Татар халык авыз иҗаты" исемле класс сәгате уздырылды. Туган телебезнең байлыгы, аны саклау турында әңгәмә оештырылды.

Билгеле булганча, 16-21 октябрь көннәрендә “Туган телем сагында”исемле акция уза. Шул уңайдан, Мөндеш башлангыч мәктәбенең 4 сыйныф укучылары белән берлектә   “Туган телем-серле тел” дигән темага  әдәби-музыкаль  чара уздырылды. Укучыларда туган телебезгә карата мәхәббәт, горурлык хисләре тәрбияләүне, телебезнең сафлыгы, матурлыгы, аһәңлеге өчен көрәшүне максат итеп куеп, сәнгатьле шигырь сөйләү бәйгесе, милли гореф-гадәтләребезгә тукталып,  “Әйтеп бетер”, “Түбәтәй, “Миңлебай”, “Тәнкә салыш” кебек җырлы-биюле уеннар уйналды.