1 нче апрель көнне 9 нчы сыйныф укучылары, бердәм республика тестларын тапшыруга әзерлек йөзеннән, татар теленнән тест эшләделәр. 

Татар теленнән бердәм республика тесты гомуми белем бирү мәктәпләренең татар телен туган тел һәм дәүләт теле буларак өйрәнеп 9 нчы сыйныфны тәмамлаучы укучыларның татар теленнән әзерлек дәрәҗәләрен бәяләү максатыннан үткәрелә.

31 март көнне 7-класста “Чисталык символы—аккош” темасы буенча кичә үткәрелде, экологик проблемалар күтәрелде. Интернет челтәрендә меңнәрчә кеше караган Кабан күле янындагы аккошның-чисталык символына әверелүе хакында әңгәмә алып барылды.Әйләнә-тирәбезнең чиста булуы, безнең өчен генә түгел, кошлар өчен дә әһәмиятле булуын һәр укучы аңлады.

Буген дәресләрдән соң мәктәп яны күңелле музыка һәм балаларның шат тавышыннан яңгырап торды.Территориябезне кардан чистарту өчен һәркем бик тырышты.

Кыш бирешергә теләмәсә дә ,көндезләрен яз үз матурлыгын,җылы кояш нурларын бер дә кызганмый.Тирә- ягыбызны чистартып,карларны таратып без язны якынайтабыз сыман тоела.

30 март көнне биология укытучысы Мифтахова Гөлнар Гарифҗан кызы 9 классларда “Синең аша беләм мин табигатьнең серләрен” дигән темага класстан тыш чара үткәрде. Укучылар кроссворд, чайнворд, ребуслар чиштеләр, табышмаклар, кызыклы сорауларга җаваплар бирделәр. Алар табигать турында, аның күп кенә серләре турында белделәр, биология фәненең бик тә кызыклы һәм үз өстендә күп эшләүне сорый торган, көчле рухлы кешеләрне яратучы фән икәненә тагын да ышандылар.

30 март көнне Иске Иябаш башлангыч мәктәбендә укучылар һәм әти- әнилэр белән берлектә "3 нче чирек нәтижәләре" һәм " Начар гадәтләргә юк диик!" исеме астында ата-аналар жыелышы булып утте. Фельдшер Гөлфия Әлтаф кызынын "Йогышлы авыртулар , аларны булдырмау юллары" темасына чыгышы барыбыз өчен дә файдалы булды.

"Кырлай ягы - кунакчыл як».  Бу гыйбарәнең хак икәненә 29 нчы март көнне Свердлау өлкәсеннән килгән  татарлар тагын бер кат инангандыр.  Районыбызга кем  генә аяк басмасын, аның Тукай йөргән эзләрдән узасы, аны сыендырган, аның ятимлеген аз гына да булса киметергә тырышкан игелекле гаилә яшәгән Яңа Кырлай авылын күрәсе килә. Бу көнне дә милләттәшләребез  Яңа Кырлай авылында кунакта булдылар. Кунакларны мәктәп каршында изге теләкләре белән Нәүрүзбикә каршы алды. Самавыр артында коймак белән чәй эчкәннән соң, директор Энҗе Фәрук кызы кунакларны мәктәп белән, заманча җиһазландырылган татар теле һәм әдәбияты кабинеты белән, укучылар кулы белән ясалган  күргәзмәләр белән таныштырды. Кунаклар “Татарлар- бөек милләт” исемле дәрес, Г.Тукайга багышланган мастер-класс карадылар. Укучылар һәм укытучылар көче белән оештырылган   концерт та кунакларда бик җылы тәэсирләр калдырды. Яңа Кырлай мәктәбендәге очрашу милләтебезнең гимнына әйләнгән “Туган тел”не бергәләп җырлау белән тәмамланды.  Тукай туган якка сәяхәт Г.Тукайның Яңа Кырлайдагы музеенда дәвам итте.  Милләттәшләребез һәр экспонат белән җентекләп таныштылар. Бу көнне табигать тә ерак араларны  якын итеп килгән  милләттәшләребезгә мәрхәмәтле булды: ялт итеп кояш чыкты. Регионара  хезмәттәшлек итү һәр ике як өчен дә файдалы һәм дәвамлы булсын иде. Свердлау белән Яңа Кырлай арасында дуслык күпере өзелмәсен.

23 март көнне Этнә район культура йортында “Созвездие-Йолдызлык-2017” Ачык республика телевизион яшьләр эстрада сәнгате фестиваленең зона сайлап алу этабы узды. Анда 6 районнан яшь башкаручылар көч сынашты. Фестивальдә мәктәбебезнең 11 класс укучысы Фәсхетдинов Ильяс та катнашты һәм уңышлы чыгыш ясады. Аңа киләчәктә дә җырлавын туктатмаска һәм конкурсларда катнашуын теләп калабыз. Уңышлар юлдаш булсын, сиңа, Ильяс!

22 март көнне безнең мәктәптә профсоюз членнары арасында волейбол ярышы булды. Ярышта 5 мәктәпнең хатын-кызлар командалары көч сынашты.1 урын Арчаның 1 нче номерлы мәктәбе командасы, 2 урын Ташкичү мәктәбе командасы, 3 урын Яңа Кырлай мәктәбе командасы. Млодцы!

Мәктәп күләмендә “Нәүрүз” бәйрәме үткәрелде. Укучылар Нәүрүзне матур җырлар, биюләр белән каршы алдылар,табышмаклар әйтештеләр.Укытучыларга, укучыларга саулык-сәламәтлек, бәхетләр, күп шатлыклар теләделәр. Бәйрәм спорт уеннары белән дәвам итте.Бәйрәм ахырында “карга” боткасы һәм коймак белән сыйландылар. Рәхәтләнеп ял иттеләр, күңел ачтылар.