26 нчы апрель - бөек шагыйребез Габдулла Тукайның туган көне. Бүген башлангыч сыйныф укучылары шагыйрь әсәренә нигезләп эшләнгән "Кисекбаш" һәм "Кызыклы шәкерт" мультфильмнары карадылар.

22 нче апрель - Җир көне.

Бу традиция АКШта  1970 нчы  елда башланган, ә 1990 нчы елдан ул халыкара акциягә әйләнгән. Россиядә бу көн 1992 нче елдан башлап билгеләп үтелә һәм һәр елны билгеле бер темага багышлана. Бүген  укучылар өчен видео сәгать үтте. Туган җиребезне бергәләп саклыйк!

География атналыгы кысаларында  укытучы Галимҗанова Л.Б. 5 нче  класста  "Антарктида буйлап сәяхәт" дигән темага ачык дәрес күрсәтте.

9 нчы сыйныф укучысы Мортазина Диләрә  "Хәзерге  заман социаль - экологик куркынычсызлык, Җир хартиясе ракурсында икътисади системалар"  Республика фәнни - экологик конференциясендә 3 нче дәрәҗә диплом белән бүләкләнде.

Бөтенроссия тикшерү эшәре (ВПР)  дәвам итә.Бүген 8 нче сыйныф укучылары география фәненнән эшләделәр.

Башлангыч сыйныф укучылары өчен "Без - табигать дуслары" дигән темага тәрбияви уен- чара үтте. Балалар табигатьтә үзеңне тоту кагыйдәләрен искә төшерделәр, экологик проблемалар турында фикер алыштылар.

Мәктәбебез укытучылары башлангыч профсоюз оешмалары членнары арасында узган йөзү ярышында  уңышлы катнашып кайттылар.

География атналыгы дәвам итә.Укучыларыбыз кызыклы ребуслар, кроссвордлар чиштеләр, мавыктыргыч сорауларга җаваплар таптылар.

"Туган телләр һәм халыклар бердәмлеге" елы кысаларында, Г.Тукайның тууына 135 ел тулу  уңаеннан  район күләмендә уздырылган  "Без -Тукай варислары" исемле шигырь укучылар бәйгесендә Кышкар башлангыч мәктәбе укытучысы Исламова Э.Ә. 2 нче урынга, 9 нчы сыйныф укучысы Мортазина Д. дипломант  исеменә лаек булды! Котлыйбыз, киләчәктә дә зур уңышлар телибез!

Укучыларыбыз "Табигатьне бергәләп саклыйк!" экологик акциясендә катнашып кулланылган батарейкалар җыюны дәвам итәләр.