“География һәм биология атналыгы” кысаларында 7-8 класс укучылары белән “Кошлар – безнең канатлы дусларыбыз” дип исемләнгән чара  үткәрелде.  Чара КВН формасында алып барылды. Укучылар кошлар турында табышмаклар чиштеләр, яраткан кошларын рәсемгә төшерделәр, күп кенә сорауларга җавап бирделәр. Бу чарада 7 класс укучылары җиңеп чыкты. Ә башлангыч класс укучылары кошлар турында шигырьләр сөйләделәр. Кичә  күңелле үтте, укучылар кошлар турында бик күп мәгълүмат белделәр.

Район күләмендә үткән "Безопасное колесо" ярышында мәктәбебез командасы ( Каримова Г., Җамалиева Р., Абакаров Д, Ситдиков И., җитәкчеләре Җамалиева А.М.) уңышлы чыгыш ясады. Юл йөрү кагыйдәләрен яхшы белүләрен күрсәттеләр. Алдагы ярышларда да уңышлар телибез!

Мәктәбебез укытучылары теннис, бадминтон буенча зона ярышларында катнаштылар. Теннис буенча Гараева Г.И. һәм Минзянов Ф.М. 2 урын, бадминтон буенча Ибрагимова Г.Р. һәм Сайфутдинов Р.Р. 3 урын алдылар. Уңышлары белән котлыйбыз!

14 апрель көнне 9 класс укучылары географиядән сынау имтиханы эшләделәр. Кадерле укучылар, сезгә дәүләт имтиханнарында уңышлар телибез!

Мәктәбебез укучылары Рафаил Газизов исемендәге төбәкара иҗади эшләр конкурсында катнашты. Нәтиҗәдә 5 нче класс укучысы Абакаров Д. 3 урын, 6 нчы класс укучысы Җамалиева Р. 1 урын алды. Мәгариф һәм фән министрлыгының грамотасына, истәлекле бүләгенә ия булдылар. Җитәкчеләре татар теле һәм әдәбияты укытучысы Җамалиева А.М. Аларга киләчәктә дә уңышлар телибез!

13 апрель көнне  география атналыгында “Соңгы герой” исеме астында класстан тыш чара – дидактик уен күрсәтелде. Уенда 6 – 7 нче класс укучылары көч сынаштылар, алда торган сынауларны үттеләр. Һәр сынаудан соң 1әр уенчы  уеннан чыгарылды.  7 класстан Кәримов Ильназ  соңгы герой  - җиңүче булды. 

11 апрель көнне  5 – 9 класс укучылары өчен  Косманавтика көненә багышланган  “Космик ярыш” дип исемләнгән  ачык чара булды. 8 – 9 нчы класс укучылары  командалар  булып ярыштылар. “Гагарин” командасы  иң күп балл җыеп 1 нче урынны алды. 

10 апрель көнне укытучы Галимҗанова Л.Б. 9 класста  “Россия регионнары  буенча гомумиләштерү” темасы буенча геграфиядән ачык дәрес күрсәтте. 

9 апрель көнне мәктәптә  кош рәсемнәренә конкурс үткәрелде. Конкурста 1 – 6 класс укучылары актив катнаштылар.

Мәктәптә "Сәламәт булыгыз!" акциясе кысаларында класс җитәкчеләре тәрбия сәгатьләре үткәрделәр. Укучыларга сәламәт булу,аны саклау чаралары аңлатылды, сораулар ярдәмендә сәламәтлек турында белемнәре тикшкрелде.