Татар халкының йөзек кашы булган, сөекле һәм бөек шагыйре Габдулла Тукайның тууына 132 ел тулу уңаеннан китапханәдә "Без - Тукайлы халык", "Тукай эзләре буйлап"  дип исемләнгән китап күргәзмәсе оештырылды. Күргәзмә шагыйрьнең шигырьләр, мәсәлләр җыентыклары, "Исемдә калганнар" дигән китабы, бөек фикер ияләренең Тукай турында язган истәлекләре тупланган китаплар куелды. "Тукай эзләре буйлап" күргәзмәсенә шагыйрьнең нәни дусларга багышлап язылган әкиятләр, мәсәлләр, шигырьләр китаплары куелды. Әлеге китаплар мәктәбебез укучыларына укырга тәкъдим ителде. 

Бүген татар халкының Бөек шагыйре Габдулла Тукайның туган көне. Шул уңайдан татар теле һәм әдәбияты укытучысы Җамалиева А.М. "Тукай безнең йөрәкләрдә!" исемле кичә үткәрде. Шагыйрьнең тормыш юлы, иҗатына күзәтү ясалды, шигырьләре укылды. Г.Тукай турында эчтәлекле фильм күрсәтелде. 

Мәктәбебез укучылары Җамалиева А.М. җитәкчелегендә Г.Тукай энциклопедиясен тәкъдим итү кичәсендә катнаштылар

Татар теле һәм әдәбияты атналыгы кысаларында Г.Тукай әсәрләре буенча рәсем конкурсы үтте.

Башлангыч класс укучылары арасында "Без - Тукай оныклары!" дип аталган шигырь укучылар бәйгесе утте.  Нәтиҗәдә 1 нче класстан Җамалиева А., 2 нче класстан Мостафин А., 3 нче класстан Мәҗитов Ә. 2 урын, калган укучылар 3 урынга лаек булдылар. Укучыларыбызга уңышлар, Тукай иҗатына булган мәхәббәтнең, кызыксынуның сүрелмәвен телибез.  

Мәктәбебез укучылары "Онытмыйк  җиңү батырларын, алар өчен үлем юк җирдә!" исемле район күләмендә үткәрелгән иҗат фестивалендә "Печән өсте күренеше"н тәкъдим иттеләр. 

Республика күләмендә узучы "Доброгод" акциясе кысыларында Сафиуллина М.Ф., Фазылҗанова Г.Н. "Сугыш эзлэре" дип аталган чара үткәрделәр. Сугыш елларында авыл халкы, сугышта катнашкан авылдашлар, Арча районыннан чыккан Советлар Союзы Геройлары, Герой пионерлар турында мәгълүмат бирделәр. Укучыларда ватанпәрвәрлек хисләре тәрбияләүдә әлеге  чараның әһәмияте зур булды. 

В рамках республиканской добровольческой акции «Доброгод» Габдрахманова Н.Ш. провела Квест- игра: « С песней к победе..»