9 декабрь - Халыкара коррупциягә каршы көрәш көне. Мәктәп китапханәсендә "Кануннарны өйрәнәчәкбез, үз хокукларыбызны беләчәкбез"дигән китап күргәзмәсе оештырылган.

2007 нче елның 26 январендә Россия Федерациясенең Дәүләт Думасы "Геройлар көне" исемле истәлекле дата кертергә тәкъдим итте. Шул көннән башлап безнең илдә әлеге истәлекле дата билгеләп үтелә. Бүгенге көн безнең мәктәп өчен аеруча мөһим, чөнки 100 еллык тарихы булган Яңа Кенәр урта мәктәбе Социалистик хезмәт Герое Габдрахманова Стелла Зәкиевна исемен йөртә.
Бүген мәктәбебездә Геройлар көненә багышланган төрле чаралар үтә. Тәрбия сәгатьләрендә укучыларыбызга С. З. Габдрахманованың тормыш юлы, аның хезмәте һәм уңышлары турында сөйләп киттек. Аның турында видеоролик карадык.
Мәктәп китапханәсенә кереп, укучыларыбызны Р. И. Насыйбуллина иҗат иткән "Акланган өметләр" китабы белән таныштырдык. Әлеге китап ярдәмендә С. З. Габдрахманованың төрле тормыштагы истәлекләрен укыдык.
Габдрахманова Стелла Закиевнаны бүгенге бәйрәм Геройлар көне белән тәбрик итәбез! Алдагы тормышыгызда сәламәтлек, балаларыгыз, туганнарыгыз янәшәсендә куанычлы, бәрәкәтле гомер итүегезне телибез

Робототехника буенча "Битва роботов" республика ярышы. Укучыларыбыз Халилов Булат, Шамсутдинов Азат, Мунасыпов Адель, Хакимзянов Булатны шундый зур җиңүләре белән чын күңелдән котлыйбыз! Җитәкчеләре: Галяутдинов М. Ф.
Киләчәктә дә уңышлар телибез

Бүген безнең мәктәптә Россия мөселманнары Диния нәзарәтенең мәдәният бүлеге җитәкчесе Ренат Абянов , "Читай" нәшрият йорты директоры Ильшат Салахутдинов һәм "Мәгариф" журналынын редактор урынбасары Фәния Лотфуллина белән бик кызыклы иҗади очрашу үтте

Инвалидлар декадасы кысаларында безнең мәктәп укучылары Яңа Кенәр авылындагы интернат-мәктәптә булдылар. Балалар балаларны матур җырлары, биюләре һәм уеннары белән сөендерделәр.Очрашу җылы һәм дустанә шартларда узды.

5 декабрь-Россиядә Волонтерлар көне.
Бу көнне кешеләргә бушлай ярдәм иткән барлык кешеләргә рәхмәт әйтәсе килә. Риясыз, әмма кемгәдер кирәкле мондый гамәл эшләү кыен түгел, бары башлау гына мөһим! 
Безнең ШУС волонтерлары тәрбия буенча киңәшче Садриева А.Н. белән бергә Яңа Кенәр интернат - мәктәбендә булдылар һәм "Снеговик"эшләнмәләре ясау буенча мастер - класс үткәрделәр. Балаларга бу шөгыль бик ошады һәм алар рәхәтләнеп эшләделәр.

30 ноябрь-Россия Федерациясенең Дәүләт гербы көне.
Россия Федерациясенең Дәүләт гербы-Россия Федерациясенең рәсми дәүләт символы. Бу-суверен дәүләтнең аерылгысыз атрибуты, дәүләтнең әһәмиятен, язмышын һәм киләчәген гәүдәләндерү.
Бу көн уңаеннан тәрбия буенча киңәшче Садриева А.Н. 6 нчы сыйныфларда "Россия гербы тарихы" дигән өстәл уены уздырды , шулай ук " 8-11 нче сыйныфларда" Россия символлары " дип исемләнгән видеоролиr карауны оештырды.

Башлангыч класслар атналыгы кысаларында Хәбибуллина Г.Р. мастер-класс күрсәтте.

Башлангыч сыйныфлар атналыгы кысаларында 1 нче сыйныфта математика фәненнән ачык дәрес

Укытучыларыбыз Фазуллина Л.Р.,Садикова Н.К.,Биктова Р.Р. "Безнең кавем" халыкара конкурсында катнашып  җиңүче булдылар .Аларны чын күңелдән котлыйбыз .