Атналык кысаларында 5 нче класста технология фәненнән ачык дәрес. Темасы : "Изготовление крючка для вешалки".Укытучысы Габделахатов М.Р.

"Алиш эзләреннән" Xll Бөтенроссия фәнни-гамәли конференциясендә "Алиш эзләреннән" секциясендә 5 нче А сыйныф укучысы Хафизова Ралинә 3нче урын һәм башлангыч сыйныф укытучысы Хафизова Гөлнара Нургали кызы лауреат дипломы белән бүләкләнделәр.

Бүген башлангыч сыйныф укучылары 23 февраль -Ватанны саклаучылар көненә багышланган "Әтиләр - ил терәге" дип аталган бәйрәм кичәсен бик күңелле, матур, эчтәлекле итеп уздырдылар. Балаларыбызның матур җыр - биюләре, шигырьләре бәйрәмебезгә бер ямь биреп торды.
Кадерле әтиләребез, дәү әтиләребез, бабайларыбыз,абыйларыбыз сезне чын күңелебездән якынлашып килүче 23 февраль - "Ватанны саклаучылар" көне белән котлыйбыз.Сезгә һәм якыннарыбызга тыныч күк йөзе, ныклы сәламәтлек, бәхет-шатлык, рухи һәм матди байлык, һәр эшегездә бары тик уңышлар гына телибез.

Гажданлык-патриотик тәрбия айлыгы .7 а класс укучылары махсус хәрби операциядә хезмәт итуче Гимранов Раил Ришат улының әнисе Хәдия апаның хәлен белеп, булышып кайттылар.

Гражданлык-патриотик тәрбия айлыгы кысаларында 8б сыйныф укучылары махсус хәрби операциядә хезмәт итүче Зиатдинов Рамилнең әнисе Фәридә апайның хәлен белеп кайттылар.

11 класста математикадан база һәм профиль дәрәҗәсендәге пробный ЕГЭ узды.

Кичә Арча муниципаль районының балалар һәм яшьләр иҗтимагый берләшмәләре белән үзара хезмәттәшлек буенча Советының тәрбия эше, «Беренчеләр хәрәкәте» "Россия балалар һәм яшьләр хәрәкәтен үстерү,»  буенча 2 нче утырышы булды.
Утырышта муниципаль мәгариф, мәдәният, яшьләр һәм спорт учреждениеләре җитәкчеләре һәм остазлары эшкә йомгак ясадылар.
Балалар һәм яшьләр иҗтимагый оешмалары үсеше шартларында үсеп килүче буынны тәрбияләүдә барлык структураларның үзара хезмәттәшлегенең мөһим аспектлары турында фикер алыштылар.
Безнең мәктәп Рәхмәт хаты белән бүләкләнде.

Гражданлык-патриотик тәрбия айлыгы кысаларында 9Б сыйныф укучылары улы махсус хәрби операциядә катнашкан Мухаметшина Венера апайның хәлләрен белеп, карларын көрәшеп кайттылар.

Гражданлык-патриотик тәрбия айлыгы кысаларында бүген әфганчылар белән очрашу узды.
Ел саен февраль аенда авылыбызда Әфган җирендә үзләренең хәрби бурычларын үтәгән авылдашларыбыз белән очрашу була. Быел бу очрашуга шушы төбәктә туып-үскән, бергә хезмәткә чакырылган, кайнар нокталарда бер-берсенә терәк булган егетләребез җыелды.
Кичә җыр, бию белән үрелеп барды. Сугышчы-интернационалистлар солдат хатирәләре белән уртаклашты, армиягә киткән көннәрен, бергә хезмәт иткән иптәшләрен искә төшерде. Аларның берсеннән дә солдат тормышыннан зарлану, сукрану сүзләре ишетелмәде. Киресенчә, алар безне һәр туган көнгә сөенеп, авылыбыз белән горурланып яшәргә чакырды.
Патриотик тәрбия бирү максатыннан уздырылган чара укучылар өчен чын Батырлык дәресе булды.

Бүген Яңа Кенǝр мәдәният йортында Яңа Кенǝр һǝм Яңа Кенǝр тирǝсендǝге авылларда яшǝуче шахмат сɵючелǝр ɵчен сугышчы—интернационалистлар хɵрмǝтенǝ багышланган шахмат турниры уздырылды. Әлеге ярышта укучыларыбыз да актив катнаштылар.