Бүген – Халыкара балаларны яклау көне: яклыйк, саклыйк һәм яратыйк без балаларны! Балалар – кешелекнең бүгенгесе, киләчәге һәм дәвамы. Сәламәт һәм бәхетле булсыннар.Балалар әти-әни мәхәббәтен һәм күңел җылылыгын тоеп яшәсеннәр. Йөзләреннән елмаю китмәсен. Әти-әниләре балалары белән һәрвакыт горурлансыннар.
Балаларны яклау көне уңаеннан, авыл мәдәният йорты белән берлектә, балалар арасында кызыклы  спорт ярышлары уздырдырылды.
Бу ярышларда балалар бик теләп катнаштылар, йөгерделәр, уйнадылар.

Бүген Арча районы мәгариф оешмаларында "Тәрбия процессы белән идарә итү системасын камилләштерү"темасына директор урынбасарларының, директор киңәшчеләренең секция утырышы уздырылды.
Тәрбия эше буенча укытучыбыз Хәнәфиева Сөмбелә Кәрим кызы" Тәрбия процессы белән идарә итү "номинациясендә тәрбия һәм өстәмә белем бирү өлкәсендә эшләүчеләрнең һөнәри осталыгы конкурсында 3 урынга лаек булды һәм диплом белән бүләкләнде. Хезмәттәшебезне чын күңелдән котлыйбыз һәм уңышлар телибез.

Бүген урта класс укучылары походта булды. Поход күңелле уеннар белән үрелеп барды.

 24 нче майда  мәктәбебездә  9, 11 сыйныф укучылары өчен сонгы кыңгырау чыңлады.
Соңгы кыңгырау ул, урта мәктәпне тәмамлап, зур тормышка, олы дөньяга юлланган егетләр һәм кызларны алдагы көннәрнең гаҗәп матур да, соклангыч  һәм авыр да булачагын искәртеп тора кебек.
Гөрләп торган кыңгыраулы мәктәп еллары күз ачып йомган арада уза да китә шул. Бәхетле, бер кайгысыз балачак кул болгап кала. Балачак белән бергә мәктәп еллары, сыйныф бүлмәләре, парталар кала, яраткан укытучылар, тәрбиячеләр, классташлар кала...
Җырлап торган моңлы кыңгырау ул-
Киләчәкнең кайнар сәламе,
Ак хыяллар сынмас канат булсын
Бәхет язсын тормыш каләме.
     Бу көн укучыларыбыз, укытучыларыбыз өчен генә моңсу мизгелләр түгел, әти-әниләр өчен бигрәк тә кыен.Аларның, мөгаен, озакламый үзләренең бәгырь җимешләрен шәһәргә, уку йортларына җибәрәчәкләре турында, киләчәктә балалары белән сирәктән-сирәк очрашачаклары турында уйлап күзләре яшьләнде. Әйе, вакыт сиздерми генә үтеп киткән, инде балаларыгыз канат чыгарып үз ояларыннан очып китәргә җыеналар. Балачак инде артта калды. Алда беренче сынаулар көтә. Ни генә булмасын, имтиханнарны уңышлы тапшыруыгызны телибез унберенчеләр!

 

"19 май-Россия балалар иҗтимагый оешмалары көне- Пионерлар көне."Бүгенге бәйрәм балалар иҗтимагый хәрәкәтендә катнашучыларның дуслыгын, балалар һәм өлкәннәрнең үзара аңлашуын символлаштыра.Тәрбия эшләре буенча директор  киңәшче Садриева А.Н. һәм мәктәп музее җитәкчесе Фазуллина Л.Р. балалар иҗтимагый оешмаларының барлыкка килү тарихы турында күргәзмә әзерләделәр.

«Мәктәптә Футбол» Бөтенроссия фестивале кысаларында башлангыч сыйныф укучылары  «Өйдә Футбол»челленджында катнаштылар. Балалар өй шартларында футбол уйныйлар. Гаилә белән күнегүләре үткәрәләр, футбол тубы белән төрле биремнәр үтиләр. 

15 май-Гаилә көне уңаеннан, "Гаиләдә Тег-регби" проекты кысаларында 2 нче сыйныф укучылары һәм әти-әнилэре белән куңелле Тег-регби уены үткәрелде. Ахырдан бәйрәм чәй өстәле артында дәвам итте.

Татарстан Республикасы Арча муниципаль районы башкарма  комитеты "Мәгариф идарәсе" Туган якны өйрәнү буенча "Милли эзләнүләр"
проекты астында үтүче Россиядә Гаилә елы һәм Татарстанда фәнни-технологик үсеш елына багышланган укучылар һәм укытучыларны "Милли гаиләм тарихы" районара фәнни-гамәли конференциясендә катнашып 3 нче сыйныф укучысы Хәкимҗанова Адилә Фәргать кызы 2 нче урын алды. Адиләне чын күңелдән котлыйбыз.

7 майда безнең мәктәпнең беренчеләре Шаян ТВ тапшыруында катнаштылар. Алар мультфильмнарны татар телендә яңгырату турындагы проектлары турында сөйләделәр.

7 майда  безнең мәктәп укучылары һәм укытучылары Җиңү парадында һәм истәлекле митингта катнаштылар. Митингтан соң "Бәрмәнчек"дәүләт керәшен фольклор ансамбле концертын карадылар