Мәктәп хәзерлек төркеме балалары бүген яраткан бакчалары белән саубуллашты. Бәйрәм бик эчтәлекле матур булды. Балалар бик тырышып әзерләнгәннәр. Шатлык һәм моңсулык бергә янәшә иде. Шулай да кызыклы концерт номерлары безне сөендерде.Балаларыбызга ак юллар, матур теләкләр теләдек.Тырышып укуларын, әдәпле булуларын теләп калабыз.

Беренче кечкенәләр төркемендә УМК почмагы ясап куелган. Балалар бу почмактагы яңалыкларны өйрәнеп торалар. 

Беренче кечкенәләр төркеме балалары бию күнекмәләрен өйрәнәләр. Шундый тырышалар бит алар

"Спецмашины 01,02,03,04"  ГАИ-ГИБДД оешуга 80 ел тулу уңаеннан район күләмендә  оештырылган конкурста актив катнаштык.

Җир йөзендә иң кадерле кеше - әни. Алар белән үткән һәр минут кадерле, кызыклы,мавыктыргыч. Икенче кечкенәләр төркеме балалары тәрбияче апалары белән стенд ясап куйдылар.Көн дәвамында әниләрен күреп куаналар.

Татар халык киемнәрен кигән кызлар аеруча сөйкемле булалар.Мәктәп хәзерлек төркеме балалары чыгарылыш кичәсенә, яңа тегелгән күлмәкләрне киеп, татар халык биюен өйрәнәләр. Бигрәк матур татар кызы!

Икенче кечкенәләр төркеме уен мәйданчыгында гөр киләләр.Саф һавада уеннар уйнау бик күңелле.Дус һәм тату уйнарга кирәклеген белә алар. Шуңа күрә бер-берсенә юл куеп уйныйлар.

"Әбием әкиятләре"  курчак театры макетын бүләк иттеләр бакчабызга. Без балаларга 7 әкиятне ике телдә уйнап күрсәтә алабыз. Балаларның үзләрен дә уйнарга өйрәтербез. Теләк булса, бар нәрсәгә дә ирешергә була.

Беренче кечкенәләр төркемендә йөргән  Хузиахметов Самат яраткан бабасы Ринат белән Былтыр һәм Шүрәле сыннарын ясадылар.Кулны кечкенәдән хезмәткә күнектерү бик уңай күренеш. Бабасының осталыгы,сәләте Саматка да күчеп калыр әле. 

8 нче май көнне Яңа Кенәр авылында Бөек Җиңүнең 71 еллыгы уңаеннан тантаналы митинг узды. Илебезнең иминлеге хакына яу кырында үлеп калган бабаларыбызны бер минутлык тынлык белән искә алдык, веноклар салдык.Исән кайткан санаулы гына ветераннарыбызны бәйрәм белән котладык. Дан аларга!