Быел яңа гына уртанчылар төркеменә килгән балаларыбыз да бар. Алар да бик тиз ияләшеп киттеләр, үзләренә дуслар таптылар. Режим моментларында үзләренең күңеленә ошаган уенчыклар белән бик теләп уйныйлар. 

Көзге яңгырлар да,

куркытмый һич  безне.

Бернигә  дә карамыйча

Яратабыз алтын көзне

Саф һавада чыныгып, уйнап үсәбез без.

Саф һава безнең аерылмас дустыбыз. Ничек кенә уйнасак та, саф һавада уйнау үзе бер рәхәт. Комда төрле бизәкләр төшереп уйнау бигрәк тә кызыклы. 

Бу уку елында бакчабыз чәчәкләргә бай булды. Матурлык күңелләрне күтәрә, тынычлык бирә. Бу матурлык өчен без тәрбиячеләргә һәм хезмәткәрләргә рәхмәтле.Бу матурлык ел да дәвам итсен дисәң, орлыкларын көздән җыйнап куй. Лилия Наримановна уртанчыларны орлыкны җыйнарга һәм сакларга өйрәтә. 

Икенче кечкенәләр төркеме балалары һәр белем бирү эшчәнлеген бик теләп, яратып, көтеп ала.Ә инде физик культура белем бирү эшчәнлеге аларның бик шатлыклы куанычлы мизгелләре. Тупны кыршау уртасына ыргытырга тырышалар алар. Моның өчен бик зур төгәллек кирәк шул. Фәридә Робертовна сабыр гына аларга бу төгәллеккә ирешергә булыша.

Арчада "Казансу" паркын ачу тантанасы булды. Бу вакыйгада Яңа Кенәр балалар бакчасы коллективыннан бакча мөдире Ләлә Фоатовна һәм тәрбияче Лилия Наримановна катнашты. Лилия Наримановна үз куллары белән  эшләгән чәчәк костюмын тәкъдим итте.    

Арчада  чәчәк костюмнары конкурсы үткәрелде. Чәчәкләрдән бизәлеп эшләнгән татар костюмы күз явын алырлык булды. Тәрбияче Лилия Наримановнаның алтын куллары һәр нәрсәгә җан өрә.Чигелгән кул эшләре,картиналар,балалар өчен таратма материаллар  аның яратып эшләгән хезмәтендә зур таяну ноктасы булып тора. Кулы эш белгән кеше бервакытта да югалып калмый. Уңышлар сиңа Лилия!

Самигуллина Гүзәл Муллахметовна зурлар төркеме белән Яңа Кенәр  балалар китапханәсенә сәяхәт кылды. Аларны анда Суфия апалары каршы алды. Ул аларны китапханәнең серләренә төшендерде.  Кызыклы китаплардан әкиятләр укыды. Балалар бик куанып,күңел күтәренкелеге белән кайттылар. 

22 нче август көнне Арча районының 8 нче номерлы балалар бакчасында  мөдирләр өчен  "Формирование эффективной муниципальной  модели дошкольного образования: опыт и перспективы"  темасы астында август киңәшмәсе үтте. Киңәшмәдә 2015-2016 нчы уку елындагы эшчәнлеккә анализ ясалды, алга бурыч һәм максатлар куелды.