Тәрбиячебез Фазылзянова Лилия Наримановна район күләмендә оештырылган "Цветочная поляна" конкурсында катнашты. Аның чәчәкләрдән тегелгән татар кызы костюмы күз явын алырлык булды. Лилия Наримановна  грамота белән бүләкләнде. Тәрбиячебезнең куллары алтын. Бер генә конкурска да үз өлешен кертми калмый. 

Лилия Наримановна!

Сезне район күләмендә оештырылган "Цветочная поляна" конкурсында 3 урынга ия булуыгыз белән чын күңелдән  тәбрик итәбез. Сезгә сәламәтлек, эшегездә иҗади уңышлар телибез.

Зурлар төркеме балалары ата-аналар җыелышында чыгыш ясарга әзерләнә. Матур чыгышлары белән әти-әниләрен куандырсыннар әле.

Икенче кечкенәләр төркеме балалары биергә өйрәнә. Бар тырышлыкларын биреп,тырышып өйрәнәләр алар.Бәйрәмнәрдә матур итеп чыгыш ясыйлар.

Район күләмендә оештырылган "Көзге калейдоскоп" конкурсында икенче кечкенәләр төркемендә тәрбияләнүче Гайнуллин Әмир II урынга, ә уртанчылар төркемендә тәрбияләнүче Муртазина Ильвина III урынга ия булды.Алар грамота белән бүләкләнде. Без аларны җиңүләре белән тәбрик итәбез. Тәрбияле балалар булып үсүләрен телибез. Уңышлар сезгә җиңүчеләребез 

1 октябрь - Өлкәннәр көне дип билгеләп үтелә. Шушы уңайдан без бакчабызга өлкәннәребезне кунакка чакырдык. Балалар көче белән әзерләнгән бәйрәм кичәсен тәкъдим иттек. Аларны бәйрәм белән чын күңелдән котладык.

Сәламәтлек,тыныч, имин көннәр сезгә өлкәннәр.Оныкларның игелеген күреп, сөенеп яшәргә язсын.

Бакчабыз балалары әкиятләрне яратып тыңлыйлар,карыйлар, сөйлиләр. Шулай ук балалар әкиятләрне бик теләп, яратып уйныйлар. Аларны кечкенә төркем балалары яратып карыйлар.

Бүген бакчабызда Сургут курчак театры кунакта булды.  Алар балаларыбызга янгын куркынычсызлыгы турында спектакль күрсәттеләр. Балалар бик яратып карадылар.

Иртәдән хәрәкәтләнү -  безнең күркәм гадәт. Уртанчылар иртәнге гимнастиканы бер дә иренми эшли.Бердәм куллары югары сузып, зур булырга ашыгалар.Сәламәт булсын балалар.

Икенче кечкенәләр төркеме балалары физик культура белем бирү эшчәнлегендә хәрәкәтле уеннар уйныйлар. "Самолет" уенын бик яратып,теләп уйнадылар. "Хәрәкәттә бәрәкәт" дип, белми әйтми олылар

Уртанчылар төркеме тәрбиячесе Лилия Наримановнаның кулары алтын. Ул татар почмагы өчен урын җирләр чикте. Алар белән Арчада үткән күргәзмәдә катнашты. Аңа эшендә уңышлар, иҗади фантазияләр телибез.