"Подарок для солдата" акциясендә катнаштык

    Бүген Наласа урта мәктәбендә 8-9 сыйныф укучылары өчен "Үсеш ноктасы" проекты кысаларында тәҗрибә уртаклашу максатыннан ачык чаралар оештырылды. Әлеге чарада безнең мәктәп укучылары да катнашты. Химия, биология, физика, математика фәннәре укытучылары "Үсеш ноктасы" проекты кысаларында мәктәпкә кайткан приборлар ярдәмендә төрле тәҗрибәләр күрсәттеләр. Укучыларга бик ошады.

Коррупциягә каршы көрәш көне кысаларында 7-8 нче сыйныф укучылары белән “Коррупциягә каршы”  дигән темага сыйныф сәгате узды.

В рамках мероприятий, приуроченных к Международному дню борьбы с коррупцией, в школе организована книжно-иллюстративная выставка

Мөһим сөйләшү дәресе “Ватан геройлары” көненә багышланды. Бу истәлекле көн 2007 нче елның 9 нчы декабреннән билгеләп үтелә. Аның тамырлары ерак үткәнгә барып тоташа, илебезнең героик тарихын искә төшерә. Дәрестә видео карадык, заманча вакыйгалар турында фикер алыштык. Ватан геройлары безнең өчен батырлык. Без алар белән горурланырга тиеш. Безнең һәрберебез бөек илебезнең героик үткәненә һәм бүгенгесенә лаек була ала. Аларның батырлыклары безне игелекле эшләргә һәм Ватанга хезмәт итәргә рухландырсын!

               1 нче декабрь - РСФСРның атказанган мәдәният хезмәткәре, Г.Тукай исемендәге Дәүләт премиясе лауреаты, Татарстанның халык язучысы, күп санлы әсәрләр авторы – М.Мәһдиевнең туган көне. Әгәр дә исән булса, олуг язучыбызга 95 яшь булыр иде.

Арча муниципаль районы «Г.Камал исемендәге Сикертән төп мәктәбе”ндә узган  IX Районара Мәһдиев укуларында VI  сыйныф укучысы Ахунова Алсу, укытучыбыз Хәмидуллина З.Я.катнашып, уңышлы чыгыш ясап кайттылар: Мәһдиев иҗаты турында матур-матур фикерләр ишеттеләр.
               Мөхәммәт абый соңгы сулышына кадәр туган ягына мәдхия җырлады, аңа тугрылыклы булып калды. Әгәр дә Мөхәммәт абый үзе исән булса, аның иҗатын яратып өйрәнүчеләрне күреп, ничек куаныр иде!
М. Мәһдиев якташлары белән эчкерсез горурланып яшәде һәм иҗат итте. Аның иҗатын өйрәнүне дәвам итәбез,әсәрләрен кабат-кабат укыйбыз. Татар халкы үз улын онытмас, аны һәрчак сагынып, олылап искә алыр!

«Туган телем сагында» акциясе кысаларында мәктәбебезнең V сыйныф укучылары Фатих Хөснинең  “Кабак” әсәрен сәхнәләштереп күрсәттеләр. Күршеләр, алар арасындагы мөнәсәбәт, күрше егете Зиннурны Армия сафларына озату күренешен оста итеп тамашачыларга җиткерделәр.Киләчәктә дә укучыларга иҗади уңышлар телибез: яңа тамашалар көтеп калабыз.

     Бүген мәктәбебездә, балалар бакчасы белән берлектә, Әниләр көненә багышланган кичә үткәрелде. Балалар әниләрне котлап матур җырлар, шигырьләр башкардылар, үз куллары белән ясаган бүләкләрен тапшырдылар. Әниләр  интеллектуаль уенда төркемнәргә бүленеп көч сынаштылар.  

                            Кадерле әниләр!

                            Бәйрәмегез сезгә бәхет,

                            Сәламәтлек  китерсен,

                            Көнегез гел шат булсын.

                            Елның һәрбер көне сезгә

                            Әниләр көне булсын.

"Татар кызы, татар егете - 2024" бәйгесе булып узды. Мәктәбебездән 7 нче сыйныф укучысы Шәмсетдинова Зилә катнашты. Зилә "Иң илһамлы кыз" номинациясендә диплом һәм истәлек бүләге белән бүләкләнде.

Мәктәбебездә әти - әниләр җыелышы булып узды.