Габдулла Тукай иҗатына багышланган   “Шигырьне таны” уены үткәрдек. Г.Тукайның биографиясен искә төшерү, әсәрләренә  күзәтү ясау; шагыйрь иҗатына кызыксыну уяту; шигырьләренә, әкиятләренә нигезләнеп Г. Тукай шәхесенә, әдәби мирасына мәхәббәт тәрбияләүне максат итеп куйдык. Уенда бөтен укучы катнашты, аннан йолдызлар санынча өч җиңүчене билгеләп уенны дәвам иттек. Уен 5 турда : “Әкияттә – кунакта”, “Балачак иле”, “Ишеттем мин кичә: берәү җырлый...”, “Белем”, “Милләт язмышы” бүлекләреннән торды. Уенда катнашкан һәр укучыга грамота һәм истәлек бүләге тапшырылды. Һәр катнашучыга да олы рәхмәтебезне белдерәбез. Әдәбият белән кызыксынуыгыз беркайчан да саекмасын. Яңадан-яңа иҗади уңышлар телибез!

Кичәбезне,  татар халкының гимнына әверелгән “Туган тел” җыры белән тәмамладык