Башлангыч классларның дәрестән тыш эшчәнлеге билгеләнгән көннәрдә төгәл алып барыла. Балалар актив катнашалар. "Спорт уеннары" түгәрәге гимнастик күнегүләрдән башланып китә.

Бүгенге көндә экзаменнарны уңышлы тапшыру һәр укытучыны борчый торган мәсьәлә. Математика укытучысы Сәләхова Г.М. ,билгеләнгән график буенча , авыр үзләштерүче укучылары белән экзаменга әзерлек эшен алып бара.

Бүгн мәктәпләрдә 2 нче чирек башланды. Укучылар яңадан белемнәрен тупларга мәктәпләргә килделәр. Кышкы чорда юлда йөргәндә укучыларга аеруча сак булырга кирәклеге турында  класс җитәекчеләре әңгәмәләр уздырдылар. Алар анда юл-транспорт һәлакәтләре статистикасы, юлларда йөргәндә сак булу турында  сөйләштеләр. Сак булыйк! Үзебезне яклыйк һәм саклыйк!

Бүген мәктәбебезнең укытучылары мылтыктан ату һәм дартс  буенча профсоюз ярышларында актив катнаштылар

4 ноябрь  көнне бадминтон буенча Балтач спорт комплексында бертуган  Таҗетдиновлар призына ярыш  узды. Безнең мәктәптән дә 4 укучы катнашты. Гарипова Зәринә 2 урынга лаек булды. Грамота, медаль һәм кыйммәтле бүләк  белән бүләкләнде. Котлыйбыз!  Алга таба да зур җиңүләр, сиңа!

Кадерле коллегалар!  Сезне Халыклар  бердәмлеге көне һәм Татарстан  Республикасы Конституциясе көне белән чын күңелдән тәбрик итәбез! Һәммәгезгә дә бәхет һәм иминлек, сәламәтлек, оптимизм, ныклык, тынычлык һәм теләктәшлек телибез.

11 нче ноябрь көнне мәктәптә педагогик  киңәшмә  үтте. Киңәшмәдә белем сыйфатын күтәрүнең шарты буларак укучыларны ДЙА га әзерләүдә уңышлар һәм проблемалар,  1 нче чирек йомгаклары, алда торган бурычлар каралды. Башлангыч класслар укытучысы Тазиева Г.С. "Укытуның актив методлары" темасына мастер класс күрсәтте.

31 нче октябрь- балаларның каникулларының беренче көне. Арча шәһәрендә бадминтон буенча ярыш узды. Мәктәбебезнең 12 бадминтон уенын яратучылар, үзләренең көчләрен сынап кайтырга ярышка бардылар. Алар чын мәгънәсендә үзләренең осталыкларын күрсәттеләр. 2 укучы -1 урынга, 3 укучы- 2 нче урынга, 2 укучы- 3 урынга лаек булдылар. Афәрин. Без сезнең белән горурланабыз. Алда да сезгә зур уңышлар.

31 нче октябрьдән мәктәпләрдә көзге каникуллар башланды. Укучыларыбыз  аны файдалы һәм күңелле итеп үткәрерләр дип ышанып калабыз

26 октябрь көнне  9 класс  укучылары белән"Интернет  челтәрендә куркынычсызлык  кагыйдәләре" дип исемләнгән дәрес үтте. Алар Интернет челтәрендә  утырганда нинди кагыйдәләрне истән чыгармаска  кирәклеген, вируслар  турында искә төшерделәр, бер-берсенә киңәшләрен бирделәр.