"Мәрхәмәтле Татарстан" акциясенең 4 нче көне  "День доброго кино" девизы астыында үтте.  Дәресләрдән соң укучылар  мәрхәмәтлелек турында видеороликлар карадылар. “Бумеранг добро” видеоролигын караганнан соң фикер алышу оештырылды.

"Спортивный Татарстан" акциясенең 4 нче көне-"Спорт һәм уку". Бу көн ачык һавада зарядка ясаудан башланып китте. Укучылар саф һавада булып, дәресләргә таралдылар. 

Бу көнне башлангыч классларда  “Дуслык күпере ” – дип аталган кичә үтте. Алар дуслык турында мәкалләр әйтеш уйнадылар, төрле милләт биюләрен күрсәттеләр. Соңыннан   укучылар дуслык турында  видеоролик карадылар.

5-9 класс укучылары арасында спорт турында плакатлар, “кричалка”ларга конкурслар игълан ителгән иде.  Укучылар бу бәйгегә  теләп катнаштылар: алар  матур итеп плакатлар,  өндәмәләр әзерләгәннәр иде.

Бу көнне мәктәбебез укучылары арасында мини футбол ярышлары узды. Укучылар рәхәтләнеп футбол уйнадылар, үзләренең сәламәтлекләрен ныгыттылар. Алар өчен җан атарга әти-әниләр дә килгән иде.

16 апрельдән республикабызда “Добрый Татарстан –Мәрхәмәтле Татарстан” акциясе старт алды. Әлеге акциягә безнең мәктәп тә теләп кушылды. Линейкада әлеге акция, аның максат-бурычлары, шулай ук "Спортлы Татарстан" акциясенең тәртибе аңлатылды. Бу көнне класслар арасында җиңел атлетика буенча чаралар старт алды.

Тирә - як матур булса, һәркемгә күңелле. Бу матурлыкны кеше үз куллары белән тәртипләп, яңартып, чистартып тора. 15 апрель район буенча өмәләр игълан ителде. Без дә бу эштән читтә калмадык. Чираттагы чистарту эшен күмәк төстә, күңелле итеп башкарып чыктык.

15 нче апрельдә Арча балалар сәнгать мәктәбендә “Тукай иҗатында музыка” темасына презентацияләр бәйгесесе булып үтте.   Безнең мәктәптән 1 нче сыйныф укучысы Хәмидуллина Камилә  Габдулла Тукай сүзләренә язылган җырлар турында чыгыш ясап, 2  нче урынга лаек булды.  Җитәкчесе Таҗиева Г.С.  Аларны уңышлары белән котлыйбыз!

14 апрель көнне Арчада "Без Тукайлы халык" V республикакүләм Тукай укулары үтте. Укуларда 300дән артык укучы катнашып, шуның 102се икенче турга үткән. Бу укучылар арасында безнең мәктәптән 3 укучы булуы аеруча куанычлы. Алар барысы да призлы урыннар яулады: Закирова Г.И. (8 класс) - 2 урын, Хәйретдинова Л.Д.(9 класс) - 2 урын, Гафетдинов А.Р. (8 класс) - "Шигырь остасы" номинациясендә җиңү яулады. Җитәкчеләре - татар теле һәм әдәбияты укытучысы Нуриева Т.Г. Котлыйбыз!

14 апрель көнне 4 сыйныф укучысы Гарипова Зәринә Кукмара районында үткәрелгән Сәгыйть Сүнчәләй исемендәге төбәкара  фәнни-гамәли конференциядә катнашты.  “Фәнгә беренче адым” секциясендә уңышлы чыгыш ясап  3 нче урынны алды.  Җитәкчесе Гозәерова Л.Г.  Аларны котлыйбыз!