Бүген Хәсәншәех төп гомуми белем мәктәбендә батырлык дәресләре үтте.Авылыбыздан Әфган һәм Чечня сугышларында катнашкан егетләребез искә алынды,аларга карата горурлану, соклану хисләре туды.Батыр - тәвәккәл,кыю,үз-үзенә ышанучан,авырлыкларга бирешмәүче,туган илен,халкын яратучы патриот ул, дигән матур фикерләр тыңланды. 

Бүген  "ФОРПОСТ”  отрядлары зона спартакиадасы булды. Ярыш төрле номинацияларга бай иде һәм безнең укучыларыбыз  сынатмадылар. Нәтиҗәдә, I урынга лаек булдылар. Җитәкчеләре Зиннатуллин Р.Ш.

8 нче сыйныф укучысы Хабибуллин Н. "Иң яхшы вожатый" Республика конкурсының муниципаль этабында катнашып, "Иң заманча отряд вожатые" номинациясендә җиңү яулады.Педагог-организатор Нуриева Т.Г. ны һәм Надирны зур җиңүләре белән котлыйбыз,иҗади уңышлар телибез.

2  нче февраль көнне Иске Кырлай мәктәбендә Фәнил Гарафиев истәлегенә 8 нче тапкыр традицион чаңгы ярышлары уздырылды. Ярышларда барлыгы 15 мәктәптән һәм Арча педагогия көллиятеннән 111 укучы катнашты. Ярышта 3 нче урынны безнең мәктәп командасы яулады! Җиңүчеләребезне чын күңелдән котлыйбыз! Нык сәламәтлек, киләчәктә дә зур уңышлар телибез!

Тарих укытучысы Бадгиев Р.М. 7-8 нче сыйныфларда "Сталинград сугышына" на багышланган  батырлык дәресе үткәрде. Бу дәреснең максаты: үсеп килүче буынның үз иленең тарихын һәм әби-бабайларыбызның  батырлыгын оныттырмау.Видеофильм һәм презентацияләр аша сугышның аяусыз, рәхимсез булуын һәм халкыбыз хәтерендә мәңге җуелмаслык хатирә булып калуына төшенделәр. 

Казан шәһәрендә татар мәктәпләрендә укучы балаларның татар теленнән Республика олимпиадасы узды.Безнең мәктәптән 4 сыйныф укчысы Хамидуллина К. бу олимпиадада катнашып ,призёр булды.Без Камиләне һәм укытучысы Таҗиева Г.С. ны зур җиңүләре белән котлыйбыз.Аларга сәламәтлек,эшләрендә һәм укуларында яңадан - яңа уңышларга ирешүләрен теләп калабыз.