Бүген  авылыбыздагы  чишмәләргә экскурсия ясалды, аларның тарихы белән таныштык. Табигатьне, авылыбызның матурлыгын тау башына менеп күзәттеләр. Көннең икенче яртысында "Рәссам буласым килә!" темасы астында асфальтка рәсем ясау оештырылды.

Бүген лагерьда көнне сәламәтлеккә багышладык. Шул максаттан, укучыларны дару үләннәре белән таныштыру, төрле интеллектуаль уеннар, әңгәмәләр, сәламәтлек буенча җавап бирүче һөнәр ияләре белән таныштыру үткәрелде.  

"Кояшкай" ял лагерының беренче көне. Бездә бүген "Күңелле балачак" бәйрәме.

29 май көнне " Балаларны яклау көне" уңаеннан мәктәбебездә спорт бәйрәме үтте. Укучылар 2 командага бүленеп,төрле уен - ярышларда көч сынашты.

25 май көнне Хәсәншәех төп гомуми белем мәктәбенең 100 еллык юбилее булды. Бәйрәмгә авылыбызның хөрмәтле кешеләре, ветеран укытучылар, мәктәпне төрле елларда тәмамлаучылар чакырылган иде. Алар яшь буынга үзләренең теләкләрен җиткерде, киләчәктә зур уңышлар теләде.

Бүген  мәктәбебездә "Соңгы кыңгырау" бәйрәме булып узды. Әлеге бәйрәмдә әти-әниләр, куп кенә мәртәбәле кунаклар катнашты. Бүген 9 нчы сыйныф укучылары олы тормыш юлына аяк баса. Ә олы тормышка юл, әлбәттә, мәктәптән башлана. 

Кошлар да бер шулай таралалар,
Сау бул инде, туган оябыз!
Офыкларга карап очар өчен
Иңнәрдә без канат тоябыз.

Әйтерсең лә пар атларда үтте
Кыңгыраулы мәктәп еллары;
Күңелләрдә гомерлеккә калыр
Шушы соңгы моңлы чыңлавы.
Кыңгыраулы, кыңгыраулы,
Кыңгыраулы мәктәп еллары!..

Ак юл сезгә,чыгарылыш сыйныф укучылары!