16 нчы февраль көнне Арчада Фәнил Гәрәфиев истәлегенә традицион чаңгы ярышлары уздырылды.Бу ярышта безнең мәктәп командасы III урынны яулады.Җиңүчеләрне чын күңелән котлыйбыз,яңа уңышлар телибез.

Сынаулары аша сыный тормыш,                                                                                                                                                                                                              Җиз иләктән кат-кат үткәрә.                                                                                                                                                                                                                      Рухлары көчле булганнарны                                                                                                                                                                                                                      Йолдыз итеп күккә күтәрә.          

15 февраль -патриот шагыйрь М.Җәлилнең туган көне. Шул уңайдан мәктәбебездә класс сәгатьләре узды,шагыйрьнең тормыш юлы һәм иҗатына багышланган күргәзмә оештырылды.

Хәсәншәех авылыннан Әфганстан сугышында 5 егет катнашкан.Галиев Т.,Шакирҗанов Т.,Хәбиров Р.,Каюмов Г.,Шиһабетдинов Х..Ул елларның шомлы кайтавазы әле бик күпләрнең йөрәгендә мәңге төзәлмәслек яра булып яши.Бүген авылдашларыбызның истәлекләре барланды.Вафат булган әфганчылар бер минут тынлык белән искә алынды.Укучыларга видеофильм күрсәтелде.

 Хөрмәтле Шамил Вилович!                                                                                                                                                           

        Сезне олы бәйрәмегез-55 яшьлек юбилеегыз белән чын күңелдән котлыйбыз. Сезгә нык сәламәтлек,күңел тынычлыгы,гаилә шатлыгы,кайгы-хәсрәтсез көннәр,балаларыгызның күңел җылысын тоеп,бәхетле озын гомер кичерүегезне телибез.                                                                                                      Сез-абруйлы киңәшче,кешелекле һәм игелекле җитәкче,шуңа күрә олы ихтирам казангансыз.Сез-далаларның мәгърур лачыны сыман,күп нәрсәләрне алдан күрә белдегез,алдан сиземләп беренче ярдәмгә килдегез,гаделсезлекләрдән яклап,безне үз канатыгыз астына алдыгыз.Рәхмәт Сезгә!

Бу очрашуда Тәбрик абый Галиев үзенең сугышчан дусларын искә алды,хатирәләре белән уртаклашты.Очрашу спорт залында Форпост отрядларының ярышлары белән дәвам итте.Патриотик тәрбия бирү максатыннан уздырылган бу чара югары сыйныфлар өчен чын тормыш дәресе булды.

Шушмабаш урта мәктәбендә узган "Ел класс җитәкчесе - 2019" конкурсының зона этабында безнең мәктәптән башлангыч сыйныфлар укытучысы Гозәерова Л.Г. уңышлы чыгыш ясады.Класс җитәкчеләре визит карточкалары тәкъдим иттеләр һәм ачык тәрбия чарасы уздырдылар. Ләйсән Габдуллаҗановна 2 нче класс укучылары белән "Әгәр итсәң берәүгә син изге эш, үзеңә дә килер шундый ук өлеш" темасына класс сәгате үткәрде.

10 нчы  февраль көнне Ашытбаш җирлегендә район укучылары арасында  чаңгы ярышы булды.Безнең мәктәп командасы бу ярышта II яулады.Җитәкчеләре: Мостафин Р.Р.

10 нчы февраль көнне Хәсәншәех авылында,Әфганстаннан совет гаскәрләрен чыгаруга 30 ел тулу уңаеннан,2002 һәм  кечерәк егетләр арасында хоккей ярышы уздырылды.Безнең егетләр командасы II урынны яулады.