Бүген  мәктәбебездә "Соңгы кыңгырау" бәйрәме булып узды. Әлеге бәйрәмдә әти-әниләр, куп кенә мәртәбәле кунаклар катнашты. Бүген 9 нчы сыйныф укучылары олы тормыш юлына аяк баса. Ә олы тормышка юл, әлбәттә, мәктәптән башлана. 

Кошлар да бер шулай таралалар,
Сау бул инде, туган оябыз!
Офыкларга карап очар өчен
Иңнәрдә без канат тоябыз.

Әйтерсең лә пар атларда үтте
Кыңгыраулы мәктәп еллары;
Күңелләрдә гомерлеккә калыр
Шушы соңгы моңлы чыңлавы.
Кыңгыраулы, кыңгыраулы,
Кыңгыраулы мәктәп еллары!..

Ак юл сезгә,чыгарылыш сыйныф укучылары!

20 май көнне  Хәсәншәех мәктәбендә 7 нче сыйныф укучыларын “Россия укучылар хәрәкәте” балалар-яшүсмерләр оешмасына кабул итү тантанасы узды. Оешма 2015 елның 29 рктябрендә Россия Президенты Указы белән булдырыла. Әгъзалык 8 яшьтән рөхсәт ителә һәм ирекле булып тора. Балалар-яшүсмерләр оешмасы әгъзасы булу-ул бөтен җирдә алда булу, Ватанга мәхәббәт, хезмәт сөючәнлек һәм белемгә омтылыш, намуслылык һәм вөҗданлык, тыйнаклык, тәртиплелек һәм иптәшлек тәрбияләү. Россия мәктәп укучылары хәрәкәтенең хәрәкәт үсешенә үз өлешен кертә һәм аның лаеклы активистлары булачак яңа катнашучыларын котлыйбыз!

Кадерле Бөек Ватан сугышы ветераннары! Тыл хезмәткәрләре! Сугыш елы балалары! Хөрмәтле райондашлар! Илебез Бөек Җиңүнең 74 еллыгын бәйрәм итә. Җиңү көне безгә миллионнарның каны һәм җаны бә­рабәренә яулануы белән бөек, изге һәм кадерле. Сугыш тәмамланганга 74 ел үтсә дә, хәтер яши, хәтер мәңгелек. Ватан өчен дәһшәтле көрәштә кан койган ветераннарның яралары да гомерлек. Тән яралары төзәлсә дә, җан яраларының сык­рау­ларын, газиз ирләрен яу кырында югалткан тол­лар­ның йөрәкләре сулкылдауларын, ә сугыш елы балаларының әрнү­-сагышларын оныта торган түгел...

Без, сугыштан соң туган буыннар, бүген Сезнең алда баш иеп, тиңдәшсез батырлыгыгызга, рухыгызның нык­лыгына сокланабыз. Бүген дә сафта булуыгыз бе­лән горурланабыз. Бай тормыш тәҗрибәгез, зирәк киңәшләрегез белән яшь буында туган җиргә мәхәббәт, Ватанга хөрмәт тәрбия­лисез. Барысы өчен дә зур рәхмәт Сезгә!
 

Бүген Бөек Җиңунең 74 еллыгына багышланган митинг булып узды. Тантанага Бөек Ватан сугышы ветераннары, тыл батырлары,  җирле администрация вәкилләре чакырылды. Тыл хезмәтчәннәре һәм сугыш ятимнәре адресына котлау сүзләре белән авыл советы рәисе Садыйков Р. Ш. һәм Саляхов Ш.В чыгыш ясады.  Митингта катнашучылар Бөек Ватан сугышы фронтларында һәлак булган сугышчыларны һәм вафат булган ветераннарны бер минут тынлык белән искә алдылар.Кичә тематик  жырлар, биюлəр белән үрелеп барды.

4  сыйныф укучыларын Җиңү көнендә Варислар сафына кабул итү күнелле традициягә әйләнеп бара. Укучылар варисларның законнарын, кагыйдәләрен яхшы белүләрен тагын бер кат исбатладылар. Укытучылар, укучылар һәм килгән кунаклар каршында тантаналы төстә тырышып укырга, һәрчак үрнәк булырга сүз бирделәр.

Укучыларыбыз район этабында уздырылган "Куркынычсыз тәгәрмәч -  2019" конкурсында унышлы чыгыш ясап, IV урынга лаек булдылар. Аларны зур җиңүләре белән котлыйбыз!

27 апрель көнне "Агач утырту көне" үткәрелде.  8- 9 нчы сыйныф укучылары  Хәйретдинова Р.Т., Нуриева Т.Г.  җитәкчелегендә  нарат агачлары үсентеләрен утырттылар.  Табигатебезне саклауга алар үзләреннән зур өлеш керттеләр. Һәрберебез, булдыра алганча, табигатебезне саклыйк, агачлар утыртыйк, тирә-ягыбызны чүп-чарлардан чистартыйк! Туган йортыбыз безгә ничек кадерле булган кебек, табигатебезнең дә кадерен белеп яшик.