Бүген Арча Мәдәният йортында укучылар арасында "Арча балы" үткәрелде. Укучыларыбыз Гарипова З. һәм Хабибуллин Н.гран - прига лаек булдылар. Без сезнең белән горурланабыз, киләчәктә дә зур уңышлар юлдаш булсын сезгә!

Мәктәптә файдаланылган батарейкаларны җыю эше дәвам итә.  Кулланылган кече ток химик чыганакларын иң күп тапшыручылар Галиев И. һәм Фәхретдинова Р. Игелекле эшегез өчен барыгызга да зур рәхмәт белдерәбез!

1961 елның 12 апрелендә, дөньяда тәүге тапкыр, кеше утырган “Восток” космик корабы галәмгә очты. Бу кеше — космонавт Юрий Алексеевич Гагарин иде. Әлеге дата кешелек тарихына мәңгелеккә кереп калды.
Юрий Гагарин галәмгә юл салганнан соң, космик очышлар дәвам итә. 1961 елның августында космоска “Восток-2” корабында Герман Титов, 1962 елның августында “Восток-2” корабында Андриан Николаев оча. 1963 елның 16 июлендә космоска дөньяда беренче мәртәбә хатын-кыз очучы-космонавт Валентина Терешкова юл ала.  Бүген "Космонавтика көне"нә багышлап һәрбер сыйныфта тәрбия сәгатьләре , 7-8 нче сыйныф укучылары арасында җыр конкурсы узды.

Рус теле укытучысы Хәйретдинова Р.Т. 2019 нчы елның 22 - 27 нче августында Казан шәһәрендә узачак "Ворлдскиллс" һөнәри осталык дөнья чемпионаты турында мәгълүмәт белән таныштырды. Укучылар  шул сайттагы яңалыклар белән таныштылар, анкета сорауларына җавап  бирделәр.

9 нчы апрель көнне 1 - 9 нчы класс укучылары өчен видеоролик күрсәтелде. Укучылар космонавтларның очыш вакытында яздырылган тавышларын тыңладылар, алар турында кызыклы мәгълүмат белән таныштылар.

Космонавтика көненә багышлап,  укучылар арасында галәм темасына рәсем конкурсы уздырылды. Укучыларыбыз бу конкурска бик теләп кушылдылар. Алар үз хыялларын, үз галәмнәрен һәм галәм офыкларын рәсемнәрендә чагылдырдылар.

3 нче сыйныф укучылары әдәби марофонга кушылды.

Башлангыч сыйныф укучылары " Сәхнә нигезләре" түгәрәгендә әдәби образлы элементларны өйрәнәләр, сәхнәдә үз - үзләрен тоту күнекмәләрен үстерәләр. Түгәрәккә йөрүче укучылар, башлангыч сыйныф укучылары өчен А.Алишның "Сертотмас үрдәк" әкиятен тәкъдим иттеләр.