Татар әдәбияты фәненнән районда үткәрелгән олимпиадада 8 нче класс укучысы Әхмәтҗанова Адилә призлы урын яулады. укытучысы - закирова Фәнүзә Рафаэловна.

Район күләмендә татар теленнән үткәрелгән олимпиадада мәктәбебезнең 8 нче класс укучысы Әхмәтҗанова Адилә призлы урын яулады. Укытучысы - Закирова Фәнүзә Рафаэловна. Котлыйбыз!

Башлангыч сыйныф укучылары тәнәфесләрдә һәм дәресләрдән соң төрле хәрәкәтле уеннар уйныйлар.

Район буенча үткәрелгән олимпиадалар дәвам итә. Анда безнең мәктәп укучылары да актив катнаша. Тарих фәненнән 8 нче класс укучысы Гөлфинә Гобәева беренче урынны яулады. Аны уңышы белән котлыйбыз! Укытучысы - Нуриев Мәгъсүм Бариевич.

Бүген Арча укучылар сараеның 60 еллык юбилее булды. Анда безнең мәктәпнең педагог- оештыручысы да катнашты. Бәйрәмгә элек эшләп киткән директорлар һәм башка күп кенә кунаклар чакырылган иде. Балаларның чыгышлары бәйрәмгә ямь өстәде.

7 нче декабрьдә Коррупөиягә каршы көрәш атналыгы башланып китте. Шул уңайдан классларда класс сәгатьләре, әңгәмәләр үткәрелде. Укучылар коррупциянең нәрсәне аңлатуына төшенделәр. 

Бүген Утар Аты авылында район буенча үткәрелгән КВН ның зона ярышы булды. Анда Утар Аты, Кәче, Иске Чүриле, Наласа, Урта Пошалым, Түбән Аты командалары катнашты. Укучылар бик теләп әзерләнгән иделәр.

Бүген Курса- Почмак урта гомумбелем мәктәбендә педагог - оештыручылар семинары булды. Анда безнең мәктәпнең педагог- оештыручысы да катнашты. 

1 нче декабрьдә инвалидлар ункөнлеге башланып китте. Шул уңайдан укучылар авыл җирлегенә караган инвалидларның өйләренә бардылар, аларны бәйрәм белән котладылар, кайбер эшләрдә булыштылар.

Бүген Бөтендөнья СПИД ка каршы көрәш көне дип игълан ителде. Шул уңайдан Кәче авылы мәдәният йортында укучылар белән әңгәмә үткәрелде.