Хөрмәтле коллегалар! Сезне чын күңелдән Яңа ел белән котлыйбыз. Эшегездә зур уңышлар, нык сәламәтлек, гаилә бәхете телибез.

Укучыларыбыз  каникул көннәрен дә бушка уздырмый, мәктәп янындагы катокта рәхәтләнеп тимераякта шуалар.

     Бүген 2 нче чирек йомгаклары буенча педагогик киңәшмә  булды. Киңәшмәдә 2 нче чирек нәтиҗәләре тыңланды,  белем күтәрү курсларында булып кайткан укытучыла: Рамазанов Ф.Ф.  һәм  Дусекеева В.А. доклад белән чыгыш ясадылар.

Мәктәптә бүген "Чыршы" бәйрәме  үтте. Бәйрәм укытучылар һәм укучылар белән берлектә әзерләнде. Бәйрәмгә укучыларыбыз төрле  әкият геройлары булып киенеп килгән иде. Укучылар рәхәтләнеп җырладылар, биеделәр, төрле-төрле уеннар уйнадылар. Бәйрәм бик күңелле узды.

Бүген "Яхшылык дәресе үткәрү" күрсәтмәсе  нигезендә 3 нче класс җитәкчесе Мөхәмәтшина Э.Г. "Без бергә, без төрле" темасы буенча мастер-класс үткәрде.

Бүген барлык укучылар да тәрбияви максатка юнәлдерелгән кинофильм карадылар.

Мәктәптә 5-9 нчы класс укучылары белән "Түгәрәк өстәл" уздырылды. Әлеге чарада социаль яклау үзәге психологы Шафигуллина Лилия һәм КДН сәркатибе Завьялова Лилия катнашты.

Бүген мәктәптә "Юлда булсаң- бул өлгер, юл кагыйдәләрен бел!" дип исемләнгән ачык чара үтте. Укучылар Белмәмештә кунакта булдылар. Соңыннан укучыларның юл йөрү кагыйдәләрен ачыклау максатыннан ярыш уздырылды. Кунакка Арча шәһәре ЮХИДИ бүлекчәсе өлкән инспекторлары Зарипов Алмаз Рифатович һәм Гарифуллин Рәдис Мансурович килде. Алар барлык мәктәп укучылары белән каникул вакытына инструктаж үткәрделәр.

Бүген "Синтезатор" түгәрәгенә йөрүче укучыларыбыз зачёт бирделәр. Зачёт алырга Арча сәнгать мәктәбеннән Давлетшина Н.Э., Хасанова З.Ф. килде. Укучылар зачётларын яхшы билгеләренә тапшырдылар.

Озынайтылган көн төркеменә йөрүче укучыларыбыз төрледән-төрле конкурслар оештырып торалар. Бүген  "Иң матур кар бабай" исемле сын ясау  конкурсы үткәрделәр.