Район мәгариф бүлеге җитәкчесен һәм хезмәткәрләрен, районның барлык мәктәп директорларын, укытучыларын, хезмәткәрләрне якынлашып килүче Яңа ел белән котлыйбыз! Сезгә тазалык, тынычлык, яңа яуган кардай ак бәхетләр, эшегездә уңышлар телибез! Яңа елда барлык хыялларыгыз тормышка ашсын!

Бүген "Кояшкай" балалар бакчасында чыршы бәйрәме булды. Бәйрәмне үткәрүдә безнең укучыларыбыз да актив катнашты.

Бүген  Кәче авылы мәдәният йортында Балмаскарад булды. Мәктәп укучыларының чыгышы бәйрәмгә ямь өстәде.

9 нчы сыйныф укучылары рус теле һәм математикадан пробный ГИАга әзерләнделәр.

Бүген мәктәптә чираттагы педагогик совет утырышы булды. Анда сыйныф җитәкчеләре 2 нче чирек һәм 1 нче яртыеллык нәтиҗәләре белән таныштырдылар. Алда торган максатлар һәм бурычлар әйтелде.

Бүген районыбызда Арча район башлыгының чыршы бәйрәме булды. Анда безнең мәктәптән дә берничә укучы катнашты. Бәйрәмдә укучылар төрле уеннар уйнадылар, чыршы тирәли җырлап әйләнделәр. Кыш бабай белән Кар кызы бәйрәмне тагын да җанландырып җибәрделәр. Бәйрәм соңында барлык укучыларга да бүләкләр тапшырылды. Укучыларга бәйрәм бик ошады.

Чыршы бәйрәмен укучылар түземсезләнеп көтеп алдылар. Бәйрәмгә әзерлек алдан ук алып барылды. Бәйрәмдә җырлар, шигырьләр, биюләр уеннар белән үрелеп барды. Зур класс укучылары әзерләгән Кышкы әкият кечкенәләргә бик ошады. Кыш бабай белән Кар кызы бәйрәмне тагын да ямьләндереп җибәрделәр. 

Кар сыннарын ясау башланып китте. Һәр класс берәр әкият героен ясады.

20 нче декабрьдә Казанбаш мәктәбе базасында районның волейбол федерациясе призына волейбол ярышы үткәрелде. Анда 2001 нче елда һәм аннан соң туган кызлар катнашты. Безнең мәктәп командасындагы һәр укучы  ярыштан бүләк белән кайтты. 

Яңа елга әзерләнү башланып китте. Укучылар бүлмәләрне, мәктәп тирәсен бизәделәр.