Волейбол ярышы

7 апрель –Спорт һәм 8 апрель- Сәламәтлек көннәре уңаеннан Кәче мәктәбе спортзалында авыл җирлеге башлыгы Закиров Тәлгать Дәүлиевич призына волейбол ярышы оештырылды. Турнирда Кәче авылыннан өч команда һәм мәктәп командалары катнашты. Ярышларны карарга тамашачылар да күп килгән иде.
Киеренке барган ярышларда призлы урыннарны Кәче-1, Кәче-2, Кәче-3 командалары яулады. Җиңүчеләрне авыл җирлеге башлыгы Тәлгать Дәүлиевич бүләкләде.
Киләчәктә бу ярышларны даими һәм тирә-як авыл командалары катнашында зуррак масштабта үткәрү күздә тотыла.

Бүген беренче сыйныф укучылар өчен зур бәйрәм-Әлифба бәйрәме үтте. Укучылар матур-матур шигырьләр сөйләделәр, җырлар җырладылар, биеделәр, төрле сорауларга җавап бирделәр, табышмакларның җавапларын таптылар.

Китапханәче Нигмәтҗанова Альина Рәис кызы экологик күргәзмә әзерләде. Укучылар зур кызыксыну белән күргәзмә белән танышалар.

Озынайтылган көн төркеменә йөрүче укучылар арасында "Күңелле стартлар" узды. Укучылар үзләренең нинди җитез, өлгер  булуларын күрсәттеләр.

31 нче март көнне Арча, Биектау, Балтач районнары укучылары катнашында "Северное сияние" беренчелегенә шашка буенча ярышлар узды. Әлеге ярышта безнең мәктәп укучылары да катнашты. Галаветдинова А. 3 нче урын, Мортазин И. 1 нче урын, Гильметдинова З. 1 нче урын алдылар. Мәктәбебезнең җыелма командасы төп мәктәпләр арасында 1 нче урынны алды. Тренерлары: Зәйнуллин Х.Х.

Бүген мәктәбебезнең 5 нче класс әти-әниләр комитеты членнары районда узган бәйгедә  бик матур чыгыш ясадылар. Аларга уңышлар телибез. Молодцы!

 Мәктәптә 31 нче март көнне өмә үткәрелде. Барлык мәктәп тирәсендәге кар таратылды. Өмәдә барлык укучылар да, укытучылар даактив катнашты.

9 март көнне мәктәптә әти-әниләр комитетлары арасында конкурс булып узган иде. Әлеге конкурста җиңеп чыккан комитет әти-әниләре 1 нче апрель көнне районда узачак конкурска әзерлек эшләре алып баралар. Аларга әлеге бәйгедә зур уңышлар телибез.

Бүген 3 нче чирек йомгаклары буенча педагогик киңәшмә булды. Киңәшмәдә һәр класс җитәкчесенең чыгышы тыңланды. Белем күтәрү курсларында булып кайткан  башлангыч класслар укытучысы Мөхәмәтшина Эльмира Госман кызы "Инклюзив белем: һәр балага аерым якын килү" темасы буенча доклад белән чыгыш ясады. Укыту эшләре буенча директор урынбасары Садыйкова Әлфия Вәгыйзь кызы 9 нчы классларның алдагы имтиханнары турында мәгълүмат бирде. Тәрбия эшләре буенча директор урынбасары Әхмәтҗанова Энҗе Госман кызы әти-әниләр комитеты конкурсына әзерләнү буенча үзенең киңәшләрен бирде.

Бүген Арчаның 5 нче номерлы гимназиясендә "Китап бәйрәме" үтте. Анда китапханәчеләр һәм татар теле укытучылары катнашты. Язучы Әхәт Гаффар, әлифба китаплары авторы Рәдинә Ягафарова, Татарстан китап нәшриятенең балалар бүлеге мөдире Айсылу Галиева белән очрашу булды.