Бүген лагерьга йөрүче укучыларыбыз чишмә тирәсен чүптән арындырдылар, чәчәклекләргә су сиптеләр.

Укучылар лагерь сабантуена флэшмоб әзерлиләр.

Лагерьның һәр көне файдалы һәм күңелле үтә. Бүген исә укучыларыбыз петанк һәм дартс буенча ярышларда катнашты.

Бүген укучыларыбыз сугышта һәлак булганнар истәлегенә куелган һәйкәл янын җыештырдылар, соңыннан сугыш еллары җырларын башкардылар.

Укучыларыбыз авылыбыз чишмәләрен һәрвакыт чистартып торалар. Чишмә яны  матур-матур чәчәкләргә күмелгән.

Бәйрәм буларак ул 1992 елдан бирле үткәрелә башлый. Чөнки ул елның 11 июнендә Россия Федерациясе Югары Советы тарафыннан “Россия Федерациясенең дәүләт суверенитеты турында Декларация кабул итү көне” карарына кул куела.

Рәсми рәвештә бәйрәм яңа исемен (“Россия көне”) 2002 елның 1 февралендә ала. Россиянең Хезмәт кодексы яңарганнан соң, Россия көне илебезнең барлык төбәкләрендә билгеләп үтелә башлый. Аны дәүләт тарафыннан игълан ителеп, ял итә торган иң яшь бәйрәмнәрнең берсе, дип әйтергә мөмкин.

Әлеге бәйрәм безнең "Тамчыкай" мәктәп яны лагерында да  билгеләп үтелде. Лагерь әйдаманы Магсумова Гөлнара Фердинат кызы бәйрәмнең килеп чыгуы белән таныштырды. Укучылар өйрәнгән шигырьләрен сөйләделәр, мәкальләрнең ахырын дәвам иттеләр, гимн җырладылар. Ак, зәңгәр, кызыл төстәге футболкалар киеп Россия флагын чагылдырдылар. Бәйрәм соңыннан күмәк биюләр оештырылды.

Нәрсә соң ул мода? Бу термин кешенең тормыштагы культурасы һәм стилен чагылдыра. Мода кешенең киемендә, көнкүреш предметларында, интерьерда, шулай ук әдәбият, архитектура һәм сәнгатьтә чагылырга мөмкин. Бүген укучыларыбыз да моданы үзләре аңлаганча җиткерделәр.

Бүген бадминтон буенча лагерь беренчелегенә ярышлар узды. Укучылар ярышта бик теләп катнаштылар. Күп көч куйганнан соң беренчелекне Гәләветдинова Гүзәл яулады. Аны җиңүе белән котлыйбыз , алдыгы ярышларда уңышлар телибез.

Арча районы мәдәният һәм сәнгать музее 1995-нче елның 26 апрелендә ачыла.

Күп кенә күренекле татар язучылары һәм сәнгать эшлеклеләре Арча җирлегендә дөньяга килгән.

Музей экспозициясе Арча ягы белән бәйле 40 язучы-шагыйрь һәм 20 сәнгать эшлеклесе турында мәгълүматны үз эченә ала. Экспонатлар арасында XVIII — XIX гасырларга караган — галимнәр Г.Курсави, Ш.Мәрҗани, Ш.Күлтәси, драматург Г.Камал, шагыйрь Г.Тукайның документлары һәм шәхси әйберләре (Ш.Күлтәсинең таянып йөргән таягы, Ш.Мәрҗәнинең язу әсватлары, Коръән китаплары һ.б.) бар.

Гражданнар сугышы һәм Бөек Ватан сугышы еллары тарихы музейда халык язучысы Г.Бәширов, язучылар А.Галиев, Г.Бакиров, М.Галяу кебек шәхесләр тарихында чагылыш тапкан.

Аерым залда кул эшләнмәләре, сәнгать әсәрләре, актер һәм артистларның портретлары һәм шәхси әйберләре күргәзмәсе эшли. Моннан тыш биредә Арча районының XV гасырдан соңгы тарихы тасфирланган.

Беренче залда районыбызның тарихчылары, фән эшлеклеләре, фәлсәфәчеләренә кагылышлы фотодокументлар, китаплар һәм шәхси әйберләр урын алган.

Ике залда халык язучылары һәм Габдулла Тукай премиясе лауреатлары турында күргәзмә-экспозиция эшли.

Музейдагы 1700 экспонатның өч йөзе генә төп нөсхә күчермәсе, калганнары — төп нөсхә.

Бүген укучыларыбыз әлеге музейга сәяхәт кылдылар. Гарипов Шәфигулла Зәйнуллович укучыларга музейдагы экспонатлар турында бик күп мәгълүмат бирде.

Бүген   "Тамчыкай"  лагеренда Гиннесның рекордлар китабына кертергә мөмкин булган фактлар каралды. Әлеге фактлар  "иң, иң,иң........." дип башлана, "иң озын чәчле", "иң окечкенә буйлы", һ.б.