1 сентябрь-Белем бәйрәме. Бу уку елында мәктәбебез 1 нче класска 9 укучы: 4 малай һәм 5 кызны кабул итте.

Мәктәбебезнең технология фәне укытучысы Копылова Г.Г.  "Без- Тукай оныклары" дип исемләнгән регионара  палаткалы лагерьны оештыруда актив катнашканы өчен  район мәгариф бүлегенең Рәхмәт  хаты белән бүләкләнде. Аңа алдагы эшендә зур уңышлар телибез!

Бүген районда август киңәшмәләренең татар башлангыч класс укытучылары секциясе үз эшен дәвам итте.

Укучыларыбыз мәктәп бакчасында тырыша-тырыша яшелчә, җиләк-җимеш, матур-матур чәчкәләр үстерәләр. Бүгенге көннәрдә кайбер төр яшелчәләрне җыю башланды.

Бүген лагерьның егерме беренче көне. Бүген бездә Сабантуй. Балалар алдан ук бик нык әзерлек эшләре алып бардылар. Сабантуй бик күңелле узды, төрле уеннар уйналды, җырлар башкарылды, биюләр биелде. Сабантуй соңында һәр укучы грамота һәм дипломнар белән бүләкләнде, бәйрәм чәй өстәле артында дәвам итте.

Без бүген китапханәдә кунакта.Балалар өчен чыккан яңа китаплар белән таныштык, матур әкиятләр укыдык.

Укучылар Кәче авыл җирлеге башлыгы Закиров Т.Д.белән очраштылар. Тәлгать Дәүлиевич балаларны үзенең нинди эшләр башкаруы белән таныштырды, балаларның сорауларына җавап бирде.

Укучылар лагерь сабантуена әзерләнә. Генераль репетиция авыл мәдәният йортында уза. Мәдәният йорты директоры Шәйдуллин Р. балаларга матур җырлар, биюләр өйрәтүдә үзеннән зур өлеш кертә.

Укучыларыбыз авыл җирлегендә урнашкан фельшер-акушерлык пунктына сәяхәт кылдылар. Фельдшер Калимуллина Г. укучыларны әлеге пунктта булган бүлмәләр , беренче ярдәм өчен җыелма белән таныштырды.Балалар үзләрен кызыксындырган сорауларга җавап алдылар.