Мәктәбебездә гомуми мәктәп линейкасы үткәрелде.Элеге линейкада балалар Казан Горький тимер юлы идарәсеннән килгән хат белән ( 16 нчы октябрь, № 1076 / 1 ГЧ-22 )  ,  әлеге хат нигезендә тимер юл буйларында куркынычсызлык кагыйдәләре белән таныштырылды, инструктажлар үткәрелде. Линейкадан соң һәр класста класс сәгатьләре узды.

Мәктәбебездә Гражданнар оборонасы айлыгы бара. Шул уңайдан төрле чаралар үтә.  Укучыларыбыз  төрле ситуациядән чыгу юллары белән таныштылар, противогаз белән эш итәргә өйрәнделәр.

Хөрмәтле коллегабыз Корбанова Люзия Ирек кызын юбилее-50 яшь тулган көне белән чын күңелдән котлыйбыз. Аңа нык сәламәтлек, озын гомер, гаилә бәхете, тыныч, аяз күк йөзе , эшендә зур уңышлар телибез.

ГТО нормативларын уңышлы тапшырган укучыларыбызга алтын һәм көмеш значоклар тапшырылды.

Бүген мәктәбебездә көтеп алынган уңыш бәйрәме булды. Иң элек укучыларыбыз тарафыннан оештырылган музыкаль кичә үтте. Укучылар матур биюләр, күңелле җырлар тәкъдим иттеләр. Бәйрәм ахырында көзге ярминкә гөрләде, ни теләсәң шул бар иде ярминкәдә. Элеге матур бәйрәмне оештыручы - музыка укытучыбыз Нигмәтҗанова А.Р. һәм башлангыч сыйныфлар укытучысы Мөхәмәтшина  Э.Г. зур рәхмәтләребезне белдерәбез. Ә инде ярминкәне оештырырга ярдәм иткән әти-әниләргә аеруча зур рәхмәт. Ярминкәгә әзерләнгән бөтен әйберләр дә сатылып бетте дип әйтсәк тә ялгыш булмас.

5 нче класс укучылары алтын көз белән саубуллашып, велосипед ярышына чыктылар.

Озынайтылган көн төркеменә йөрүче укучыларыбыз  бүген табигатькә экскурсиягә чыктылар.

Укучыларыбыз технология дәресләрендә төрле тәм-томнар пешерергә әзерләнәләр.

Укучыларыбыз көннең матурлыгыннан файдаланып калырга тырыштылар. Алар бүген мәктәбебезнең биология укытучысы Закирова Н.Г. җитәкчелегендә чишмә тирәсен җыештырдылар.