Бүген мәктәп күләмендә   "Аҗаган" һәм "Бөркеткәй" уеннары уздырыла. Укучылар  бу бәйгедә үзләрен стройда басу, катнаш эстафетада, автомат сүтеп-җыюда, хәрби газета чыгаруда, учак ягып аш пешерүдә осталыкларын күрсәттеләр.

Герой шагыйрь Муса Җәлилнең тууына 105 ел  һәм татар халкының күренекле шагыйре Габдулла Тукайның тууына 125 тулу уңаеннан Татарстан Республикасы Мәгарифһәм фән министрлыгы "Туган як серләре" дип аталган  бәйге үткәргән иде. Бу бәйгедә безнең мәктәпнең 9 нчы сыйныф укучысы Халикова Сиринә катнашты.

Спорт айлыгы кысаларында һәм Бөек Җиңүнең 66 еллыгын каршылап мәктәп күләмендә  "Авылыбызда Бөек Ватан сугышының чагылышы" ,"Ватанны саклаучы" , "Мин солдат булсам", "Бөек сугышлар","Герой шәһәрләр" , "Аларның исемнәре белән шәһәрләр атала" дигән темалар астында проект эшләрен якладылар. Нәтиҗәләргә килгәндә ул түбәндәгечә: 5нчеләр 1урынны,6 һәм 7ләр 2 урынны алды. Ә менә 10нчылар 1урынга лаек булсалар, 2нче урынны 11ләр,3 урынга 8 һәм 9лар лаек булды. Гомумән алганда һәр проект эшенә укучылар  бик күп хезмәт куйган иделәр.

Апас районында  "Ел укытучысы-2011" бәйгесе узды. Беренче  сайлап алу турыннан безнең мәктәпнең информатика һәм математика укытучысы Җамалиева А.Г. кызы финалга чыкты.  Алинә Габдулловна финал ярышларында үзен белемле, эрудицияле, тапкыр укытучы булуы белән аерылып торды һәм " Традиции в образовании" номинациясендә җиңү яулады. Чын йөрәктән коллегабызны тәбрик итәбез.Киләчәктә зур уңышлар телибез.

Мәктәптә  балигъ булмаган балалар арасында хокук бозуларны кисәтү буенча "Форпост" һәм "Ритм" отрядлары эшләп килә. Биредә тәртип ягыннан үрнәк һәм инициативалы булган 5 һәм 11 укучыдан торган командалар эшли. Бүген  районда беренче турда җиңеп чыккан "Форпост" командасы ярыша. Аларга уңышлар телик.

Спорт һәм ТИН айлыгын дәвам итеп, мәктәп күләмендә шашка,шахмат ярышлары булып узды. Ярышта һәр сыйныфтан бер кыз һәм ике егет катнашырга тиеш.

3нче февраль көнне  мәктәп күләмендә уздырылган чаңгы ярышларының нәтиҗәләре билгеле булды.

Тугызъеллык командалар арасында:                             Унберъеллыклар арасында

I  урын  - 5нче сыйныф                                                           I  урын-10нчы сыйныф

II урын-6нчы сыйныф                                                             II урын-8нче сыйныф

III урын-7нче сыйныф                                                            III урын-9нчы сыйныф

Шәхси беренчелектә егетләр арасында Сәлимуллин И.Р (6нчы сыйныф), Сәлимуллин А.А.(9нчы сыйныф),кызлар арасында Залялиева И.И.(10 сыйныф), Шигапова А.А.(10сыйныф),Гиниятуллина А.А. (5сыйныф) лаек булдылар.

 Район күләмендә уздырылган һәртөрле бәйгеләрдә балалар бакчалары да читтә калмый. Әҗем балалар бакчасында тәрбияләнүче Шәфигуллин Айнур Г.Тукайның тууына 125 ел уңаеннан уздырылган  рәсем бәйгесендә (бәләкәйләр группасы) 1 урынны алды. Җитәкчесе- Хафизова Т.Ф.

 "Сәләт" балалар иҗат үзәге 2010нчы елда "Молодежь за безопасность дорожного движения" республика күләм акциясенең район турын уздырган иде. Бу бәйгедә 6 нчы сыйныф укучысы (җитәкчесе Җамалиева А.Г.) Сәлимуллин Илшатның  эше "Эмблемы ,проекты баннеров" номинациясендә 2 урынны алды.

Алда Россия Федерациясенең Дәүләт Думасына һәм Россия  Президентына  сайлаулар  тора. Шул уңайдан мәктәп күләмендә "Яшь сайлаучы көне" уздырылды. Биредә югары сыйныф укучылар өчен озак еллар сайлар комиссиясендә эшләгән Сәлимуллина Г.К. , авыл җирлеге депутаты Ахметшин Р.Р һәм авыл җирлеге башлагы Камалиева Н.М. укучылар каршында сайлауларның мөһимлеге турында сөйләделәр. Шулай ук яшерен тавыш биргәндә үз-үзеңне ничек тотарга, бюллетень тутыру,Татарстан Республикасының Законнары белән таныштылар. Укучылар түгәрәк өстәл артында сөйләшеп кенә калмыйча төрле викторина сорауларына җавап бирделәр. "Яшь сайлаучы"  почмагындагы материаллар белән дә таныштылар.