Апрельнең 22нән 27 нә кадәр мәктәптә башлангычлар атналыгы булып узды. Атналыкта әти-әниләре белән берлектә эшләнгән кул эшләре күргәзмәсе оештырылды. "Көчлеләр, кыюлар, җитезләр " ярышы, табышмаклар кичәсе, яз турында русча шигырьләр җырлар бәйгесендә балалар актив булдылар. Шулай ук әкиятләр сәхнәләштереп, артистлык осталыкларын күрсәттеләр.

Буа шәһәренең академик Р.Сәгъдиев исемендәге урта гомуми белем бирү мәктәбендә "Киләчәге бар милләт без" дигән баш астында укучыларның Республикакүләм фәнни-гамәли конференциясе узды. 8 сыйныф укучысы Шәйхетдинова Сиринә бу конференциядә чыгыш ясап, Мәгариф министрлыгының III дәрәҗә дипломына лаек булды. Җитәкчесе татар теле һәм әдәбияты укытучысы Хөснуллина А.Р.  Молодцы!

КФУ базасында  укучыларның инглиз теле буенча III Республика  фонетик  конкурсы булды. Ул "В гостиной профессора Хиггинса" дигән исем астында узды. Бу конкурста безнең мәктәптән 10 сыйныф укучысы Салахова Рания катнашты. Җитәкчесе  инглиз теле укытучысы Вәлиәхмәтова Гүзәл Вафа кызы. Молодцы!

Буада укучыларның "Мәктәп проектыннан Татарстан Республикасының интеллектуаль элитасын формалаштыру" дигән II Республикакүләм фәнни-практик конференциясе узды. Бу конференциядә 10 сыйныф укучысы Салахова Рания (җитәкчесе Гаптрахманова Р.Г.)  катнашты һәм Мәгариф министрлыгының сертификаты белән бүләкләнде. Молодцы!

Мәктәптә сыерчык оялары конкурсына йомгак ясалды. Канатлы дусларыбыз өчен быел 62 оя куелды. Бу конкурста барлык укучылар да актив катнашты. 5 сыйныф укучысы Хөсәенова Алсинә алып килгән оя иң матур дип табылды һәм ул мәктәпнең Мактау грамотасы белән бүләкләнде

Бүген мәктәптә  кабат кунаклар. Безнең мәктәп базасында башлангыч класс укытучылары семинар-киңәшмәгә җыелды. Ул "Духовно-нравственное воспитание как ключевое требование ФГОС" исеме астында узды. Бу семинарда 1,2,3,4 сыйныф укытучылары үзләренең проект эшләрен тәкъдим итте. Озынайтылган көн группасы тәрбиячесе Хәмидуллина Г.Н. "Клуб сәгате" үткәрде. Соңыннан сөйләшүләр түгәрәк өстәл артында дәвам итте. Бу семинарда җитәкчелек мәгариф бүлеге мктодисты Афметсафина Г.А һәм РМО җитәкчесе Яруллина Г.З йөкләнелгән иде.

Апас муниципаль район башлыгы Рәшит Нәҗипович Заһидуллинның 29 март 2013 ел 7-р номеры астындагы "Апас муниципаль районында санитар- экологик икеайлык" дигән боерык игълан ителде. Шушы айлык кысаларында, Борнаш урта мәктәбе коллективы шимбә өмәсенә чыкты. Өмә барышында мәктәпнең тирә-юне чүп-чардан арындырылды, бордюрлар агартылды.

Бүген мәктәбебез райондагы барлык физкультура укытучыларын каршы алды. Бу семинарда район мәгариф бүлеге методисты Ахметсафина Гөлшат Азатовна катнашты. Семинар киңәшмә 10 сыйныфларда ачык физкультура дәресе белән башланып китте, бу дәресне физкультура укытучысы Сөләйманов Илфат күрсәтте. "Виват, Универсиада!"исеме астында класстан тыш чараны физкультура укытучысы Хайруллин Айдар үткәрде. Соңыннан түгәрәк өстәл артынла укытучылар фикер алыштылар. Семинар- киңәшмә чәй өстәле артында тәмамланды

Кама Тамагы районы Тинки урта мәктәбе базасында республикакүләм семинар- киңәшмә уздырылды. Ул "Обеспечение преемственности методов, средств, содержания обучения становления личности в школьном и вузовском образованиии" темасы астында узды. Биредә Кама Тамагы, Апас, Тәтеш, Югары Ослан районыннан килгән мәктәп җитәкчеләре һәм рус теле, химия укытучылары катнашты. Семинар киңәшмәгә КНИТУ дан килгән өлкән укытучылар, профессорлар катнашты. Алар мастер- класс тәкъдим итте, ачык дәресләрдә катнашты. Соңыннан сөйләшүләр түгәрәк өстәл артында дәвам итте. Бу семинар- киңәшмәдә безнең мәктәп директоры Д.Х.Вилдановада катнашты.

5 укучысы Зәйнуллина Илүзә , тарихи-мәдәни мирас  елына багышлап,1-2 март көннәрендә Казан шәһәрендә үткәрелгән  VIII  Республикакүләм  “Дулкыннар”бәйгесенең    ”Нәфис сүз”номинациясендә “Зөһрә йолдыз” әкиятен сөйләп  II дәрәҗә дипломга лаек булды       (җит.Бикмурзина)