“Үлемсез полк” акциясе Татарстанның барлык мәктәпләрендә уза. 1нче номерлы гимназиядә чара башлангыч сыйныф укучыларының тантаналы линейкасы белән башланып китте, югары сыйныф егетләр хәрби сафта атладылар, сугыш турында шигырьләр һәм җырлар яңгырады. Иң соңыннан  гимназия территориясе буйлап “Үлмәс полк” утте.

4б сыйныф укучылары Х Халыкара "Балаларга сугыш турында укыйбыз" акциясендә актив катнаштылар. Барлык ветераннарга җирдә тыныч күк йөзе өчен зур рәхмәт. Сезнең алда баш иябез!!! Сыйныф җитәкчесе Рәупова Зөлфия Рафат кызы.

Җиңү көне алдыннан – 2019нчы елның 7нче маенда Бөек Ватан сугышында Җиңүнең 74 еллыгына багышланган «Җиңү диктанты» тарихи акциясе узды. Әлеге чарада гимназия укытучылары да актив катнашты. Катнашучыларга 45 минут эчендә 20 сорауга җавап бирергә туры килде. Акция нәтиҗәләре 12 июньдә-Россия көнендә игълан ителәчәк. «Җиңү диктанты»-Россия тарихи җәмгыяте, «Бердәм Россия» партиясе, Мәгариф һәм фән өлкәсендә күзәтчелек федераль хезмәте ярдәмендә Россия хәрби-тарихи җәмгыяте оештырган зур проект. Диктант Бөек Ватан сугышы тарихын өйрәнүне тагын да тирәнәйтү, яшьләргә тарихи белемнәр һәм патриотик тәрбия бирү, Бөек Ватан сугышы турында тарихи хәтерне саклау проблемасына җәмәгатьчелек һәм массакүләм мәгълүмат чараларының игътибарын җәлеп итү максатыннан үткәрелә.

1 май көнне гимназия педагоглары һәм профсоюзы 1 Май – Яз һәм Хезмәт бәйрәменә багышланган "Хезмәт мәнфәгатьләрендә гадел икътисад өчен" бердәмлек митингында катнаштылар. «Нефтьче» мәдәният йорты каршындагы кыр кухнясы эшләде, велосипед ярышлары да  гимназия укучылары катнашыннан башка узмады. Ә иртәнге сәгать 8.30 да И. Зарипов урамында ӘМР башлыгы белән агач утырту тантанасы булды. Анда химия укытучысы Джумакул Негмат улы да актив катнашты.

Бүген гимназия укучылары Әлмәт мәчетендә булдылар. Балаларны мәчет хәзрәте каршы алды, аларга мәчет тарихы турында сөйләде.

Фаил хәзрәт кыскача Ислам тарихы һәм әлеге дөнья диненең җәмгыять тормышында нинди урын алып торуы турында сөйләде, исламның рухи өлеше турында да сөйләде. Дин әһелләре балаларны өлкәннәрне хөрмәт итәргә һәм изге гамәлләр кылырга өндәде. Очрашу барышында очрашуга килгән ислам - игелеклелек дине, көчләү, җимерелү, ә "терроризм", "экстремизм" төшенчәләре һәр мөэмингә ят булырга тиеш, дип басым ясалды.

Гимназиябез территориясендә эш сәгать инде 11.00 дән башланып китте, 4-11нче сыйныф укучылары себерке, торма һәм көрәкләр алып урамга чыкты. Күтәренке кәефле балалар үзләренең сыйныфына беркетелгән участокларның чисталыгына ирешү өчен бөтен көчләрен куярга әзер иделәр. Хезмәт эшчәнлегенең кызган чагында да уку процессы турында онытырга ярамавын беләбез. Гимназия укучылары башта рус теле, математика һәм башка фәннәр белән ныклап шөгыльләнделәр, ә укудан соң өмәгә чыктылар. Эш һәмәсенә дә җитәрлек иде: һәр класска үз яшенә туры килгән эш бүлеп бирелде.

Гимназия мәйданында зур эш башкарылды: мәктәп тирәсендәге бөтен территория чүп-чардан, яфраклардан, корыган үләннәрдән чистартылды, куаклар киселде, мәктәп яны участогы, спорт мәйданчыгы, стадион җыештырылды. Гимназия территориясе буйлап газоннарны тәртипкә китерү өчендә күп хезмәт куйдылар. Әлбәттә, мондый санда укучылар белән эшне оештыру җиңел түгел: педагогик состав та өмәдә актив катнашты. Укытучылар балаларга хезмәт юнәлешен күрсәтеп кенә калмадылар теге яки бу эшне ничек дөрес итеп башкарырга кирәклегендә күрсәттеләр, үзләре дә эш кораллары тотып укучыларга һәрьяклап ярдәм иттеләр. Яхшы музыка астында вакыт узды да, эш авырлыгы да сизелми. Нәкъ менә шуңа күрә кырмыскалар кебек тырышып эшләгән балалар өчен искиткеч музыкаль ярдәм оештырылды: балалар өчен язылган дәртле җырлар, шулай ук мәктәп тематикасына матур композицияләр яңгырады. 20 апрель көнне узган шимбә өмәсе безнең мәктәптә дус һәм хезмәт сөючән кешеләрнең белем алуын һәм эшләүләрен дәлилләде.