17 нче гыйнвар - мәгърифәтче галим, педагог, язучы Риза Фәхретдиннең туган көне. Ул көнне гимназиябезнең һәр сыйныфында якташ галимебезгә багышланган сыйныф сәгатьләре узды. Алты дәрестән соң мәҗлесләр залында "Риза Фәхретдин нәсыйхәтләре" дип исемләнгән әдәби кичә оештырылды. Кичәгә кунак булып Риза Фәхретдиннең туган авылы Кичүчаттагы мемориаль музее директоры Гыймранова Диләрә Кави кызы килү дә зур мәртәбә булды.

                                                                         Игътибар!

 28нче гыйнвар көнне   Риза Фәхреддин исемендәге гимназиянең актлар залында

2020нче елда 1нче сыйныфка баручы балаларның әти-әниләре өчен җыелыш үткәрелә.

Башлана 18.00.

Рәхим итегез.

Р. Фәхретдиннең туган көне уңаеннан "Тәрбияле бала" әсәре буенча 5б сыйныфында викторина үткәргән 10а сыйныфына, аларның сыйныф җитәкчесе Нурания Билсуровнага бик зур рәхмәт!!!

10 б сыйфныфы укучысы  6 а сыйныф укучылары очен эчтәлекле "Р.Фәхреддин һәм медицина "исемле сыйныф сәгате өчен рәхмәтен белдерә!

Узган атнаның пәнҗешәмбе-җомга көннәрендә 9в һәм 10 сыйныф укучылары  Халыкара белемлеләр кубогында катнаштылар. Бу бәйге реаль ситуацияләрдә инглиз телен куллана белүне үстерүгә юнәлдерелгән. Бүләкләр күп булды, ләкин иң мөһиме - аралашу, фикерләүне киңәйтү, командада эшләү. Һәм, әлбәттә инде, кызлар талантлар тамашасында инглиз һәм татар телләрендә туган телебез турында сөйләделәр, халкыбыз гимны булган "И туган тел"не (Г.Тукай) җырладылар. Укыткан укытучылары Әхмадиева Айгөл Мизхат кызы. Әфәрин сезгә!!!!!!

Гимназиянең яшь армиячеләре "Форпост 2019" җәмәгать тәртибен саклау буенча укучылар спартакиадасында катнаштылар, гер күтәрү һәм төз ату буенча 3 урын яуладылар. Котлыйбыз, афәрин!!!!

11 нче декабрь көнне Әлмәт шәһәренең  Ризаэддин Фәхреддинисемендәге 1нче гимназия»сендә  «Р. Фәхреддин: рухият, мәдәният,  мәгърифәт» исемендәге III Бөтенрәсәйфәнни-гамәликонференциясе узды. Конференцияне оештыручылар, Әлмәт муниципаль районы  «Ризаэддин Фәхреддиннеңмемориаль музее» директоры Гимранова Д.Г., «Татнефть» акционерлыкҗәмгыятегенеральдиректоры урынбасары Мөхәммәдиев Р.Н., Әлмәт муниципаль районы имам-мөхтәсибе  Әхмәтҗанов Ф.С., Мәгариф идарәсе җитәкчесенең милли мәсьәләләр буенча урынбасары  Җиһаншина С.М., Әлмәт шәһәре “Ризаэддин Фәхреддин исемендәге 1 нче гимназия” директоры Вәлиуллина Ф.З., галимнең мирасын барлауга зур өлеш керттеләр.

Бишенче декабрь көнне башлангыч сыйныф укучылары арасында юл йөрү кагыйдәләре буенча КВН үткәрелде. Уен юл йөрү кагыйдәләрен белүне системалаштыру, аны үтәүгә карата аңлы мөнәсәбәт, үз-үзеңне тоту культурасын һәм юл этикасын тәрбияләү максатыннан уздырылды. Укучылар юл йөрү кагыйдәләрен яхшы белүләрен дәлилләделәр. Бу өлкәдә нәтиҗәле хезмәте өчен Флүзә Әнис кызына һәм икенче сыйныф укытучыларына чараны әзерләгәннәре һәм уздырганнары өчен бик зур рәхмәт!!! Балаларны юл хәрәкәте куркынычсызлыгы кагыйдәләренә өйрәтү һәрвакытта да иң мөһим бурычларның берсе булып кала. Исән-сау булыйк, юлларда имин йөрик!

2019 елның 3 һәм 5 декабрендә Әлмәт шәһәре мәгариф идарәсенең педагогик хезмәт ветераннары (пенсионерлары) җыелма командасы Бөек Ватан сугышында Җиңүнең 75 еллыгына һәм ТАССР төзелүнең 100 еллыгына багышланган ветераннар (пенсионерлар) арасында Әлмәт муниципаль районы ІХ Спартакиадасының волейбол буенча ярымфинал һәм финал ярышларында катнашты. Шәһәрнең иң көчле командалары арасында киеренке көрәш нәтиҗәсендә мәгариф идарәсе командасы I урынны яулады һәм истәлекле кубок, истәлекле туп һәм диплом белән бүләкләнде. Команда әгъзалары арасында 1 нче гимназиядән физкультура укытучысы Хәйдәров Галимҗан Муллаян улы бар иде. Аларга район ветераннар Советының истәлекле медальләре һәм бүләкләре тапшырылды.