Татарстан Республикасының беренче президенты якташыбыз М.Ш.Шәймиевнең туган көне уңаеннан, мәктәп күләмендә класс сәгатьләре, Шәймиевнең музей- йортына  читтән торып экскурсия, китап күргәзмәсе оештырылды

 Такталачык төп гомуми белем бирү мәктәбенең тәрбия эшләре буенча директор урынбасары Нуриева Әлфия Гавис  кызы "Тәрбия өлкәсендә иң яхшы җитәкче" республика конкурсының муниципаль этабында катнашып, уңышлы чыгыш ясады.

21 нче январьда  Такталачык төп гомуми белем бирү мәктәбендә  Тат. Ямалы, Чалманарат, Уразай, Теләкәй, Такталачык  мәктәпләренең  9 нчы класс укучылары математика фәненнән төп дәүләт имтиханын тапшырып карадылар. Эшләргә анализ ясалды, алга таба белемнәрне арттыру өчен эш төрләре планлаштырылды.

Классларда ата-аналар җыелышлары дәвам итә. 20-21 январь көнне 4 һәм 7 классларда ата-аналар җыелышлары узды.

13-14 январь көнне 5, 6, 8 классларда ата-аналар җыелышлары уздырылды. Сыйныф җитәкчеләре ата-аналар өчен чыгышлар, мастер-класслар әзерләде, шулай ук һәр фән укытучысының чыгышы тыңланды, фәннәр буенча өлгереш, сыйфат анализланып, 2 чиреккә йомгак ясалды, алга таба эшләү юнәлешендә бурыч, максатлар билгеләнде.

6 январь көнне район мәдәният йортында традицион  хакимият башлыгы елкасы узды. Әлеге чарада спорт, уку, мәдәният өлкәсендә үзләрен үрнәк итеп күрсәткән, район, республика күләмендә уңышлы чыгыш ясаган алдынгы укучылар катнашты. 9 класс укучылары Зарипова Әлфия һәм Ханов Марсель хакимият башлыгының Рәхмәт хаты һәм татлы бүләкләргә лаек булды, сәләтле балалар тарафыннан күрсәтелгән концертны тамаша кылды.

4 январь көнне мәгариф хезмәткәрләре спартакиадасы узды. Спартакиаданы ачу тантанасы “Актаныш” универсаль спорт комплексында оештырылды. Ярышлар “Лачын” чаңгы базасында, “Дулкын” бассейны бинасында дәвам итте. Спартакиаданың төп максаты – сәламәт яшәү рәвешен пропагандалау, физкультура һәм спорт белән системалы шөгыльләнүгә этәрү, районның иң көчле укытучыларын билгеләү. Мәктәп командасы һәр төрдә уңышлы чыгыш ясады.

 Мәктәп укучылары арасында Кыш Бабай призына үткәрелгән татар-башкорт көрәшендә Такталачык төп гомуми белем бирү мәктәбенең 9 нчы класс укучылары  Ханов Марсель  I ,  Нурыев Динис  II, 8 нче класс укучысы Ханов Раян II урынга лаек  булдылар. Егетләрне зур җиңүләре белән котлыйбыз, молодцы!

 Кар- бураннары, зәмһәрир суыклары белән декабрь үтеп бара. Бу көннәрдә укучыларыбыз кышкы каникулларга таралу рухы белән яши.   Чыршы бәйрәме һәркемне үзенә җыйды.   Кечерәк класс укучылары Кыш бабайга ел дәвамында өйрәнгән һөнәрләрен күрсәтте. Кыш бабай һәм Кар кызы белән чыршы тирәли җырлап әйләнде.  Урта класс укучылары исә бәйрәмне,  видеороликларга нигезләнеп , үзләре иҗат иткән сценарий буенча оештырды.  Уку елының икенче чиреген яхшы һәм бик яхшы билгеләренә тәмамлаган укучыларга, әти- әниләренә рәхмәт хатлары тапшырылды.  Кар сыны ясауда катнашкан укучылар, рәсем конкурсында җиңүчеләр дә, чыршы уенчыгы ясаучылар да бүләкләнде.  Һәр укучыга Кыш бабайның күчтәнәч каплары тапшырылды .

 Яңа ел  җитәргә санаулы көннәр калып килә. Һәр җирдә бу зур бәйрәмгә әзерлек эшләре бара. Өлкәннәр балаларга күчтәнәч каплары, бәйрәм программалары әзерәп йөргән арада,  укучылар рәсемнәр, чыршы уенчыклары ясый. Мәктәп капка төбендә кардан төрле сыннар әвәләү эшендә укучылар аеруча актив катнаша.