14 сентябрь көнне мәктәпнең актлар залында гомуми ата-аналар җыелышы узды. Көн тәртибендә вакцинация, юл йөрү кагыйдәләрен төгәл үтәү,хокук бозуларны кисәтү мәсьәләләре каралды. Чарада полиция майоры, балигъ булмаган балалар белән эшләү бүлегенең өлкән инспекторы Ахунова Ания Анил кызы, юл йөрү кагыйдәләрен кисәтү бүлеге хезмәткәре Сәетова Рәсимә Заһит кызы,  вакцинация буенча  табиб-нарколог Минхуҗин Ленар Сәүбән улы,  тәрбия эшләре буенча директор урынбасары Р.Р.Гайсин һәм мәктәп директоры А.Ш.Рахманов чыгыш ясады.

Уку елы башланып китү белән мәктәпләрдә бакча эшләре дә старт алды. Май аенда утырткан үсентеләребез мул итеп уңыш китерде. Сыйныф җитәкчеләре укучылар белән берлектә сырганак җимеше җыйдылар (облепиха) һәм бәрәңге алдылар.

 "Россия, устремленная вперед" тематик дәресе кысаларында сыйныф сәгатьләрендә видеороликлар каралды, әңгәмә оештырылды.

3 ай җәйге каникуллардан соң яңа 2017-2018 нче  уку елына да аяк бастык.

"Акчарлак" лагерында "Без талантлар эзлибез" кичәсе үтте. Һәр бала үзенең һөнәрен күрсәтте. Нинди генә талант ияләре юк икән безнең мәктәбебездә!

Мәктәп яны лагерында "Ягез әле, егетләр!"кичәсе үтте. Егетләребез үзләрен төрле яклардан сынадылар. Кызлар концерт номерлары күрсәттеләр.. Кичә бик күңелле үтте. Соныннан бергәләп биеделәр. 

"Акчарлак" лагерында кызлар арасында "Озын толым" конкурсы үткәрелде. Кызлар үзләрен төрле яктан сынадылар: үзең белән таныштыру, һөнәр күрсәтү, прическа ясау. Иң озын толымлы кыз  - 3 нче класс укучысы Шарифзянова Гүзәл булды.

Лагерь укучылары табигатькә экскурсияга чыктылар. Алар анда төрле үсемлекләр, бөҗәкләр, кошлар  белән таныштылар. Төрле уеннар уйнадылар.

Лагерьда йөрүче балалар татар халык уеннары белән таныштылар. "Капкалы", "Чума үрдәк, чума каз" уеннарын балалар бик яратып уйнадылар.

"Акчарлак" лагерында  "Табышмаклар"  кичәсе үтте. Балалар бик теләп табышмакларга җаваплар эзләделәр. Үзләре дә табышмаклар әзерләп килгәннәр иде.