22 нче апрель көнне 7 нче класс укучылары  “ Яшь Россия”  дип аталган  оешмага кабул ителделәр. Алар муеннарына  Россия символикасы булган галстуклар тактылар.

22 апрель көнне педагог-китапханәче Илдарова Ләйлә Фәнис кызы Габдулла Тукайның тууына 130 ел тулуга багышланган “Тукай безнең күңелләрдә” дигән “Тамчы-шоу” интеллектуаль-күңел ачу бәйгесе үткәрде. Бәйгедә 5 нче классның  “Дуслык” командасы һәм 6 нчы классның “Ялкын” командасы көч сынашты. Ике команда да бөек шагыйребезнең тормышын, иҗатын бик яхшы белүләрен күрсәттеләр. 

“Спортивный Татарстан” акциясе кысаларында  21 нче апрель көнне  мәктәп күләмендә оешкан төстә иртәнге зарядка үткәрелде.

 21-22 апреля    в АСОШ №1   проходят пробные  ЕГЭ по русскому языку  и математике для учеников 11 класса.   Желаем всем успехов и чтобы все получили только положительные результаты!

Мәктәптә “Тукай иҗаты рәсемнәрдә” дип исемләнгән яшь рәссамчылар күргәзмәсе оештырылды. 

Сәламәт яшәү рәвешен пропогандалау, сәламәтлек атналыгында катнашу  максатыннан 20 нче апрель көнне 7 нче класс укучылары белән “Сәламәт яшәү рәвеше“ дип исемләнгән класс сәгате үткәрелде.

Атналык кысаларында “Тукайга-130”  баш астында мәктәпкүләм стена газетасы чыгарылды. Газетада Тукайның шигырьләренә рәсемнәр, викторина сораулары урнаштырылды.

“Спортивный Татарстан” акциясе кысаларында  20 нче апрель көнне  “Спорт- сәламәтлек нигезе” исеме астында класс сәгатьләре үтте. 

“Туган тел” атналыгы кысаларында китапханәдә “Тукайга 130 ел” дип исемләнгән күргәзмә оештырылды. Барлык китап сөюче укучыларны күргәзмә белән якыннан танышырга китапханәгә чакырып калабыз.

“Габдулла Тукай образының әдәбият, музыка  һәм  сәнгатьтә чагылышы» I районкүләм иншалар бәйгесе нәтиҗәләре буенча мәктәбебезнең 10 сыйныф укучысы Ямалетдинова Айзәрә  “Тукай образын музыкада иң оста яктыртучы” номинациясендә җиңүче дип табылды һәм “Мәгариф идарәсе” грамотасы белән бүләкләнде (җитәкчесе – Л.Ш.Нурлыгаянова)