21 нче декабрь көнне 3 нче класс укучысы Салихов Фирзәр, 4 класс укучысы Марданова Элиналар Яр Чаллы шәһәрендә РИТЭК чыршы бәйрәмендә, 11 класс укучысы Шәрифҗанова Чулпан Казанда президент ёлкасында катнашып кайттылар. 

Мәктәптә Яңа ел алды ярминкәсе булды.  Күргәзмә-сатуда укучыларның технология, рәсем дәресләрендә ясалган кул эшләре урын алды. Ярминкәдән кергән акча укучыларга яңа ел бүләкләре алу өчен тотылачак.

9 нчы сыйныф укучысы Гилмуллин Илназ татар теленнән үткәрелгән олимпиаданың муниципаль этабында призёр булды. Тагын бер җиңү алып килү белән котлыйбыз!(Укытучысы:Нурлыгаянова Ләйлә Шәйхенур кызы)

7 нче класс укучылары  үзләренә тапшырылган  эшләрне җиренә җиткереп башкарырга тырышалар. Өлкәннәргә ярдәм итү-саваплы эш булып санала. 17 нче декабрь  көнне , класс җитәкчесе Илнар  абыйлары белән берлектә Әнүзә апага шефлыкка бардылар. Капка төбе, ишек алды кардан чистарылып, тәртипләп  куелды.

7 нче класс укучылары дөнья, Россия һәм Татарстан Республикасы яңалыклары белән даими  танышып баралар. Бу атнада Илдаров Айгиз яңалыклар белән таныштырды.

12 нче декабрь- Россия Конституциясе көне. Ул 1993 нче елның 12 декабреннән бирле билгеләп үтелә. Шул уңайдан 7 нче класс укучылары белән “Конституция- илнең төп законы” дип аталган класс сәгате үткәрелде.

Бүген Юрий Гагарин исемендәге балалар  оешмасының “ Хыял” отряды укучыларын  эзтабарлар  сафына кабул итү тантанасы булып узды. 

Мәктәбебездә сәнгать мәктәбенең рәсем классына йөрүче кечкенәләр группасы  пластилиннан яңа ел рәсемнәре ясадылар.

Кичә, ягъни 15 нче декабрь көнне, Гимназия һәм Сәфәр кызлары арасында баскетбол ярышы узды. Очрашу бик киренке төстә үтте. 35:29 исәбенә Сәфәр кызлары җиңү яулады. Афәрин, кызлар!

Бүген  5-11 класс укучылары  Мәгариф министрлыгы тарафыннан җибәрелгән  язма эшләр эшли башладылар.