"Белем бирү стратегиясен гамелгә ашыру һәм Федераль дәүләт белем бирү стандартларына кадәр гамәлгә ашыру шартларында мәгариф оешмасы агымдагы эшчәнлеге белән идарә итү" темасы буенча РМО җитәкчеләре утырышы.

Беренче кечкенәләр төркеме балалары  зур төзү материаллары белән уйнарга бик яраталар.

Өйләр, гаражлар төзиләр, шул ук вакытта төсләрне дә өйрәнәләр.

"Умырзая" балалар бакчасы базасында үткән район методик берләшмәсендә безнең балалар бакчасыннан 4 педагог катнашты. 

"Сәләмәтлек - зур байлык" дигән девиз астында, без кечкенәләр төркеме балалары белән физкультура шөгылен бик яратабыз. Безнең иң яратып уйный торган уеннарның берсе "Аучы һәм куяннар" уенның бер мизгеле....

Дәү әтиләр, дәү әниләр

Кунакка килде бүген

Бүген өлкәннәр бәйрәме

Шуңа күңелем шат минем.

Балалар бакчасында бүген өлкәннәр бәйрәме булды. Мәктәпкә хәзерлек һәм зурлар төркеме балалары үзләрнең әби һәм бабайларын бәйрәмгә чакырдылар. Өлкәннәргә үзләренең җимешләренең һөнәрләрен күрү йөрәкләренә май булып ятты. оныкларының һөнәрләрен күреп елмаеп, кул чабып утырдылар. бәйрәм бик күңелле узды.

Ата -аналар ярдәме белән яшелчәләрдән "Көзге муллык" дигән  күргәзмәләр оештырдык.

Без зурлар төркеме балалары белән "Сөмбелә" бәйрәмен үткәрдек. Бәйрәм бик күңелле үзды. Барлык катнашучыларга ошады. Бәйрәмгә ата-аналар бик теләп катнаштылар.

Кояш көлеп уянды да,

Нурларын сипте мулдан.

Өлкәннәр килгән кунакка

Атлап кояшлы юлдан.

Безнең бакчабызга кояшлы көзге матур көндә Өлкәннәр көне булып узды. Балалар үзләрнең матур сүзләре белән, шигырьләре , җыр-биюләре белән кунакларны сөендерделәр. күңелләрен җылыттылар. Хөрмәтле өлкәннәргә ныклы сәләмәтлек, шатлыклар, тыныч матур тормыш теләдек.

Картайсыннар әйдә еллар,

Картаймасын бары күңел

Һәр көн яңа бәхет килсен

Моңаерга кирәк түгел

Шатлыгыгыз ешрак булсын,

Кайгылар урап үтсеннәр.

Еллар санын сизмәс өчен —

Оныклар гөрләп үссеннәр!