Бүген, 30 сентябрь көнне районкүләм өмә булып узды. Чарада бакчабыз хезмәткәрләре дә актив катнаштылар. Балалар бакчасы тирәли миләш агачлары утыртып районыбызны яшелләндерүгә үз өлешләрен керттеләр.

25 нче сентябрь көнне районыбызда "Милләтләр кроссы - 2016" спорт чарасы үтте. Кросста барлык мәгариф оешмалары да актив катнашты. Безнең балалар бакчасының мәктәпкә әзерлек төркемендә тәрбияләнүче Мисбахов Данияр үз яшьтәшләре арасында беренче урынны яулады. Бакчабыз хезмәткәрләре дә сынатмадылар . Үз категорияләрендә Аминова Резеда 2 урыннны, Сафина Чулпан 3 урынны яуладылар. Җиңүче хезмәттәшләребезне чын күңелдән котлыйбыз!!!

Җылы көннәре, яллары белән күңелле җәй артта калды. Белем бирү учреждениеләрендә бүген янә кыңгырау тавышы яңгырады. Бакчабыз җәйге ялларга туктамаса да, бүген ниндидер җанлылык сизелә. Мәктәпкә әзерлек төркеме балалары һәм тәрбияче апалары Эльвира Рафис кызы бакчабызның барлык хезмәткәрләрен һәм башка төркем балаларын бәйрәм белән котларга телиләр икән! Аларның котлавына без дә кушылабыз - яңа уку елында яңадан-яңа идеяләр, иҗади уңышлар, сәламәтлек телибез!!!

Районыбызда ел саен мәгариф учреждениеләре, оешма-хуҗалыклар, шәхси хуҗалыклар арасында "Ишек алдым - гөлбакча" конкурсы үтә. Бүген әлеге конкурска йомгак ясалды. Мәктәпкәчә тәрбия һәм белем бирү оешмалары арсында безнең балалар бакчасының чәчәклекләре 2 урын,  ә чәчәкләрдән ясалган "Бала белән күбәләк" композициясе 3 урын яулады. 

Мәгариф хезмәткәрләренең традицион август киңәшмәсендә "Балалар бакчаларында тәрбия һәм белем бирүнең сыйфатын күтәрүдә телләр өйрәнүнең моделе" темасы астында конкурс үтте. Безнең балалар бакчасының эше 1 урында. Бакча хезмәткәрләрен әлеге җиңү белән чын күңелдән котлыйбыз!

Бакчабыз тәрбиячеләре районкүләм үткәрелгән "Милли киемле курчаклар" күргәзмәсендә катнаштылар. Үз куллары белән тегелгән рус, татар, башкорт, мари, чуваш, удмурт киемле курчакларга күпләр сокланып үттеләр.

Бүген халыкара шахматчылар көнендә зурлар һәм мәктәпкә әзерлек төркеме балалары арасында көч сынашу үтте.

Актанышта бу көннәрдә дөньякүләм зур чара үткәрелә. "Ак калфак" бөтендөнья татар иҗтимагый оешмасының чираттагы күчмә утырышы безнең районга төрле төбәкләрдә яшәүче милләтәшләребезне бергә җыйды. Бакчабызда кунаклар милли бәйрәмебез Сабантуйда катнаштылар.

Переоформить права на получение основной и дополнительной компенсации за детские сады можно не выходя из дома. Для этого необходимо подать электронное заявление на портале государственных и муниципальных услуг Республики Татарстан uslugi.tatarstan.ru. Необходимо войти в личный кабинет через Единую Системы идентификации и Авторизации (ЕСИА). Если же вы являетесь новым пользователем, вам следует зарегистрироваться на портале uslugi.tatar.ru, а затем подтвердить свой аккуант с помощью ЕСИА.

Бүген, ниһаять, "Иң яхшы билингваль балалар бакчасы" конкурсы нәтиҗәләре билгеле булды. Түбән Кама шәһәрендә җиңүче балалар бакчалары коллективларын котладылар. Конкурста катнашкан 155 балалар бакчасының 20се әлеге дәрәҗәле исемгә лаек булды. Шулар арасында безнең балалар бакчасы да бар!!! Бакча коллективын әлеге зур җиңүе белән чын күңелдән котлыйбыз!!!