Татар телен саклау, өйрәнү һәм үстерү, милли гореф-гадәтләребезгә, рухи байлыгыбызга мәхәббәт тәрбияләү, иҗадилыкка омтылыш һәм кызыксыну үстерү максатыннан, Мәгариф һәм фән министрлыгы, Филология һәм мәдәниятара багланышлар институты, Яр Чаллы дәүләт педагогика университеты, "Сәләтле балалар өчен гуманитар гимназия-интернат" гомумбелем бирү учреждениесе белән берлектә VI республика "Гамил Афзал укулары" үткәрде. Әлеге чарада бакчабыз тәрбиячеләре катнашып призлы урыннар яуладылар.

Бөек татар шагыйре Габдулла Тукайның тууына 131 ел тулуга багышланган "Хезмәтем, көчем - милләтем өчен" девизы астында Россиякүләм "Китапнамә"ләр бәйгесендә бакчабыз тәрбиячеләре теләп катнаштылар. Ниһаять жюри әгъзалары нәтиҗәләрне игълан итте. Өстәмә һәм мәктәпкәчә белем бирү юнәлешендә Сабирова Эльвира Рафис кызы 1 урын, Марданова Айгөл Дамир кызы  2 урын яулады. Аларны бу зур уңышлары белән чын күңелдән котлыйбыз, яңадан яңа үрләр яулауларын теләп калабыз.

9 Май - Җиңү көнендә "Үлемсез полк" акциясен үткәрү матур гадәткә әйләнде. Райондашларыбыз белән беррәттән әлеге чарада бакчабыз хезмәткәрләре, ата-аналар, балалар да актив катнаштылар. 

Бүген район мәдәният йортында оешма-предприятиеләр арасында үткән смотр концертының йомгаклау өлеше булып, нәтиҗәләр чыгарылды. Бакчабыз коллективы мактаулы 2урын яулады!!!

Май бәйрәмнәре алдыннан әйләнә-тирәне чистарту күптәннән килгән матур гадәт. Бу традицияне быел да дәвам итеп бакчабыз территориясен чистарту, яшелләндерү өмәсендә барыбыз да бик теләп катнаштык.

Бүген балалар бакчасында ФДББСын тормышка ашыру шартларында эстетик-сәнгать үсеше темасы астында семинар-практикум үтте. Тәрбиячеләр белем бирү эшчәнлекләрен күзәтү аша үзләренең тәҗрибәләре белән уртаклаштылар. Эстетик-сәнгать үсеше буенча балаларга белем бирү эшчәнлегендә куллану өчен үрнәк эшләр альбомнарын яңарттылар.

Бакчабыз психологы Аглямова Миләүшә Васил кызы Түбән Кама шәһәренең 63нче балалар бакчасы базасында "Система специальной помощи детям с ОВЗ и их семьям: проблемы, опыт, перспективы" темасы астында үткән коференциядә катнашып тәҗрибә уртаклашып кайтты.

Апрель - татар әдәбиятына мәшһүр шагыйребез Габдулла Тукайны бүләк иткән ай. Атна дәвамында бөек әдибебезнең туган көне уңаеннан төрле тематик чаралар үтте, рәсем күргәзмәләре оештырылды, әсәрләре сәхнәләштерелде.

12 апрель - Косманавтика көне уңаеннан балалар бакчасында тематик чаралар үтте. Төркемнәрдә балалар космос, һава транспорты турында сөйләшеп кенә калмадылар, рәсемгә төшерделәр, әвәләп ясадылар.

С целью обучения детей русскому языку в детском саду прошла литературная викторина "Наши любимые сказки". Дети старшей и подготовительной группы разгадывали загадки, отвечали на вопросы по сюжетам сказок «Колобок», «Репка», «Теремок», «Волк и семеро козлят», «Три медведя», вспомнили главных героев, помогали распутывать сказочные головоломки. Выполняли задания Бабы Яги.