Республикакүләм "Яшел ут-2024" бәйгесенең район этабында "Балалар бакчасы" номинациясендә бакчабыз 2 урынга лаек булып принтер белән бүләкләнде.  Котлау тантанасы беренче санлы «Умырзая» балалар бакчасында узды. Җиңүчеләрне Актаныш районы ЮХИДИ идарәсе башлыгы Ренат Шәмсиев, ЮХИДИның пропаганда бүлеге җитәкчесе Ләйсән Мөхәммәтова, район мәгариф идарәсенең балалар бакчалары буенча методисты Наилә Хәсәнова котлады. 

Янгынны сүндерүгә караганда, булдырмау яхшырак . Һәркемгә шушы хакыйкатьне балачактан ук төшендерергә кирәк. Моңа тәрбиячеләр, ата-аналар, янгын сагы хезмәткәрләренең бердәм, тырыш хезмәте нәтиҗәсендә генә ирешергә мөмкин.
Бүген балалар бакчасында янгынга каршы хезмәтнең Актаныш аерым посты хезмәткәре Гарифуллин Разил Марат улы катнашында, янгыннарны кисәтү максатыннан, профилактик чара үткәрелде. Разил Марат улы балаларга янгын чыгу сәбәпләрен кечкенәдән үк белеп үсәргә кирәклеген, ут белән уйнау куркыныч икәнлеге турында сөйләде. Гадәттән тыш хәлләр килеп чыкканда балаларга үзләрен тоту кагыйдәләре аңлатты, янгын сүндерүчеләрне чакырырга кирәклеген искәртте. Әңгәмә барышында балаларга янгын сүндерүчеләр хәрби киемнәрен, утка каршы көрәшү коралларын күрсәтте.

Әти белән бала арасындагы элемтәне ныгыту, эмоциональ мөнәсәбәт формалаштыру, балаларның иҗади мөмкинлекләрен үстерү максатыннан мэктэпкэ эзерлек , зурлар-уртанчы торкеме балалары һәм этилэре белэн 23 февраль Ватанны саклаучылар конен билгеләп уздык.

 Бүген бакчабызда "Әфганстан-йөрәк ярам" дип исемләнгән очрашу узды. 15 февраль – совет гаскәрләрен  Әфган җиреннән чыгарылган көн. "Әфганчылар» - әлеге сүзнең иң югары әһәмиятендә - чын солдатлар. Без бүген рус гаскәрләренең Әфганстаннан чыгарылып бетүгә 35 ел булуны билгеләп үтәргә, якташларыбызның батырлыгына яңадан бер кабат сокланып, аларга дан һәм мәдһия җырлар өчен, аналарның түземлеге һәм сабырлыгы алдында баш ияр өчен  җыелдык. Очрашуга Әфганстан җирендә илебезнен тынычлыгын саклаган  ветераннарыбыз-  Мухаметдинов Фарил һәм Насипов Илсур килделэр.

Безнең балалар бакчасында  йөрүче балалар белән ЮХИДИ пропаганда булеге мөдире Ләйсән Рәдиф кызы белэн очрашу булып узды. Бу очрашуның максаты булып, балаларның юл йөрү кагыйдәләрен ныгыту, исләренә тошерү тора иде. Балалар әнгәмәдә бик актив катнаштылар . Ләйсән Рәдиф кызы алып килгән курчак театрын да бик теләп уйнап карадылар. "Светофор", " Ярый-ярамый" уеннары аша белемнәрен ныгыттылар.

Район күләмендә   тәрбиячеләр арасында узган "Мастер -класс" конкурсында катнашып мәктәпкә әзерлек төркеме тәрбиячесе Нуриманова Илүзә Флус кызы I урын алды.

Бүген бакчабызда "Педагог һәм остаз елы"н йомгаклау чарасы узды. Чарада ветеран педагогларыбыз да катнашты. Остазларыбыз үзләренең киңәшләрен бирделәр. Җитәкчебез Гүзәл Рифак кызы ветеран педагогларыбызны бакчабыз тарихы "Үткәннән киләчәккә" дип исемләнгән китап белән бүләкләде.

Бүген  бакчабызда мәктәпкә әзерлек төркеме балалары  халкыбызнын борынгы йолаларының берсе "Каз өмәсе"  бәйрәме уздырдылар.

Тагын бер җиңүебез. Тәрбиячеләребез Нуриманова И.Ф. һәм Мухамадиева И.Р. мәктәпкә әзерлек төркеме балалары белән төшкән видеолары 2 урынга лаек булды