Борынгы гореф-гадәтләрне искә төшерү, тергезү максатыннан бакчабызда уртанчы-зурлар төркеме балалары белән берлектә онытылып барган милли йолаларыбызның берсе – “Орчык бәйрәме” оештырылды. Бәйрәм барышында “Орчык өмәсе” йоласының тарихы белән таныштык. Балалар орчык тотарга, йон язырга, йомгак урарга өйрәнделәр. Бәйрәм “Башы миннән, ахыры сездән” дип аталаган мәкаль әйтеш уены, “Кем беренче урый”, “Орчык әйләндерү”, ”Башмакчы” һәм башка уеннар, жыр – бию белән үрелеп барды.

Ел саен ноябрьнең өченче якшәмбесендә бөтендөнья юл транспорт һәлакәтләре корбаннарын искә алу көнен билгеләп үтәбез.
Пассажирларның, шоферларның һәм җәяүлеләрнең юлларда дөрес йөрү тәртибе турында искәртү беркайчан да артык түгел, бигрәк тә бу кайгылы көн белән бәйле. Әйдәгез, юллардагы фаҗигаләр мөмкин кадәр азрак булсын өчен, безгә бәйле булганның барысын да эшлик. Юл хәрәкәте кагыйдәләрен төгәл үтик, үз тормышыбызны кадерләргә өйрәник.

4 ноябрьдә бөтен Россия мөһим бәйрәмне - Халыклар бердәмлеге көнен билгеләп үтә.
Шул уңайдан уртанчы-зурлар төркеме балалары белән бәйрәм алдын якты һәм истә калырлык итәргә тырыштык! Балалар белән бәйрәмнең тарихы, дөньяда һәм татулыкта яшәү, дуслыкны саклау һәм Россиянең төрле халыклары традицияләрен хөрмәт итү ни өчен мөһим булуы турында әңгәмәләр алып бардык.Балалар белән илебезнең никадәр зур һәм матур булуын, анда күпме гаҗәеп урыннар барлыгын , нинди халыклар яшәгәнен искә төшердек,Россия территориясендә яшәүче башка халыкларның гореф-гадәтләре белән таныштык.
Көнебезне төрле күпмилләтле илебездә яшәүче төрле халыкларның милли киемнәренә төренгән курчакларны,иллюстрацияләрне карау белән тәмамладык.

31 октябрь-җәяүлеләр кичүенең туган көне. Бу көн безгә махсус билгеләнгән урыннарда юл аркылы чыгуның һәм балаларны моңа өйрәтүнең мөһимлеген искә төшерә.Яңа Әлем балалар бакчасының зурлар-уртанчылар төркеме балалары белән бәйрәм алдыннан берничә чара узды. Балалар җәяүлеләр кичүе турында плакатлар карадылар, юл хәлләрен тикшерделәр һәм "җәяүлеләр кичүе"билгесен пазллардан төзеп ясадылар. Шуннан соң балалар белемнәрен практикада ныгытырга киттеләр-юлны тиешле урында үтәргә кирәклеген өйрәнделәр.

Безнең  бакчабызда балаларның Ватанга мәхәббәт, гражданлык-патриотик хисләрен тәрбияләү юнәлеше буенча әңгәмә ел дәвамында алып барыла. Шул максаттан  авылыбыздан махсус хәрби операциядә булып, чираттагы ялларына кайткан ,бүгенге көндә илебез, халкыбыз тынычлыгы өчен көрәшүче батыр йөрәкле геройларыбызның берсе — Әхмәтгалиев Инсаф Әгъзәп улы белән  очрашу уздырып үттек.Әлеге очрашуда  балалар солдат абыйның армия тормышы турында бик күп мәгълүмат алдылар, сораулар бирделәр,хәрби батырлык өчен бирелгән медальләрен карап үттеләр.
Очрашуыбыз егетләребезнең барысының да исән-имин туган якларыбызга әйләнеп кайтуын теләп тәмамланды.

Без бүген "Сөмбелә чибәре - 2025" бәйгесенең җиңүче кызларыбыз Шәмсегалиева Айсель Марсель кызы, Шәкурова Адилә Әлфис кызы, кызларыбызның әниләре һәм тәрбияче апалар белән "Актаныш 90, ОFM" радиосында кунакта булдык.

Бакчабызның зурлар-уртанчылар төркеме балалары белән халкыбызның милли йолаларының берсе "Каз өмәсе" үткәрдек.Борынгы заманнардан килгән йола буенча  без балаларыбызны кечкенәдән татар халкының милли бәйрәмнәре белән таныштыруны дәвам итәбез. "Каз өмәсе" бәйрәме ул көзен уздырыла. Биеп, көлешеп эш беткәнен дә сизми калдык. Балалар җырладылар да, биеделәр дә,үз һөнәрләрен курсәттеләр. Бәйрәмнән соң тәбикмәк белән сыйландылар.

Көзге каникул чорында Яңа Әлем мәдәният йортында бик куп чаралар үткәрелә. Балалар бакчасының мәктәпкә әзерлек һәм зурлар төркеме балалары белэн мәдәният йортында экскурсиядә булдык. Китапханәче Римма Риф кызы "Китаплы каникул" дигән тамага балалар белән әнгәмә үткәрде. Балалар яңа китаплар карадылар. Мәдәният йортының җитәкчесе Гөлназ Тахир кызы балаларга "Ике рәсем тарихы" дип исемләнгән рәсем кургәзмәсе белән таныштырды. Балаларга бу эчтәлекле экскурсия бик кызыклы булды.

22 нче октябрь көнне Алабуга шәһәрендә "Сөмбелә чибәре - 2025" конкурсы булып узды. Мәктәпкә әзерлек төркеменнән бу конкурста иң актив кызларыбыз катнаштылар. Айселебыз 1 нче урын, Адиләбез "Иң яхшы жырлаучы" номинациясендә җиңү яуладылар. Бу зур җиңүләре белән ике кызыбызны да котлыйбыз! Әзерләүдә зур көчләрен куйган, кызларыбызны зур юлга алып чыгып, алып барып, алып кайткан эти-эниләренэ бик зур рәхмәтләребезне җиткерәбез!Алда да шушындый зур конкурсларда катнашып, актив булып, тагын да зур унышларга ирешергә язсын!

9 октябрь бөтендөнья почта көнен билгеләп үттек. Мәктәпкә әзерлек төркеме балалары белән почта хезмәткәрләренең эше, почта һәм хатлар тарихы белән танышу максаты белән почтага экскурсиягә бардык.Почта хезмәткәрләре белән бик җылы очрашу булды. Тәрбияче белән берлектә хат язарга конверт, әниләргә матур открыткалар ясадык, кайткач "Почта" сюжетлы-ролле уенын уйнадык.