Балалар бакчасында тәрбияләнүчеләр арасында узачак шигырь укучылар конкурсына безнең бакчадан да балаларның видеороликлары әзерләп җибәрелде. Балалар татар, рус һәм инглиз телләрендә шигырьләр өйрәнгәннәр иде.

Бәйрәмгә авылыбызны бизәүдә бакча хезмәткәрләре актив катнаштык. Кар сыннары һәм утлар белән бизәлеш буенча авыл оешмалары арасында без беренче!

25,28 декабрь көннәрендә бакчабызда чыршы бәйрәмнәре гөрләп үтте. Ата- аналар һәм хезмәткәрләрнең уены бәйрәм иртәләрен тагын да ныграк җанландырды.

"Куянкай" 2 кечкенәләр-уртанчылар төркеме тәрбиячесе Розалия Хәмит кызы Әгъләмова Ата-анлар арасында яңа ел темасына рәсем конкурсы игълан итте. Ата-аналар бик актив катнашалар.

Ясле төркеме тәрбиячесе Илүзә Флүс кызы Нуриманова ата-аналар арасында чыршы конкурсы игълан итте. Төрле материалдан ясалган чыршыкайлар ясле төркеменең кабул итү бүлмәсен бизәп утыралар.

"Башак" җаваплылыгы чикләнгән җәмгыяте директоры Х.М. Хуҗинның спонсорлык ярдәме белән балалар бакчасына яссытабанлылыкны профилактикалаучы, аяк табаннарына нокталы массаж ясаучы махсус ковриклар алып кайтылды. Балалар бик яратып шөгыльләнәләр. Хәлил Мансуровичка зур рәхмәтебезне җиткерәбез!

Балаларны рус теленә өйрәтүдә, балалар бик яратып шөгыльләнгән, театр эшчәнлеге мөһим урын алып тора. Бүген мәктәпкә әзерлек төркеме балалары әти-әниләренә рус телендә "Теремок на новый лад" дигән музыкаль әкиятләрен күрсәттеләр.

Беренче тел ачылуга

"Әннә" ди һәрбер бала.

Чөнки аның күңелендә

Иң кадерлесе - ана.

Ана җылы җилдәй йомшак,

Саф һәм яхшы аның күңеле.

Тиңсез көчле аның мәхәббәте,

Ана, Бөек аның сөюе.

Бүген балалар бакчасында 3 төркемдә әниләр көнен бәйрәм иттеләр. "Нарасый" төркеме балалары әниләренә "Куянга булышабыз" дигән сөйләм үстерү эшчәнлеге күрсәтте, "Куянкай" төркеме балалары "Иң матур әни - минем әнием" дигән сөйләмтелен үстерү эшчәнлеге күрсәттеләр, "Тиенкәй" ләр "Репка -Шалкан" әкиятен сәхнәләштереп күрсәттеләр.

Бүген балалар бакчасында "Бакча шартларында балаларның сәламәтлек торышына физкультура эшчәнлекләренең йогынтысы" дигән темага педагогик киңәшмә булды. 1. Өлкән шәфкать туташының "Балалар бакчасында физик тәрбиянең торышы" дигән чыгышы, 2. Тәрбияче Розалия Әгъләмованың "Балаларны төрле яклап үстерүдә татар халык уеннарының әһәмияте" дигән чыгышы, 3. Тәрбияче Илүзә Нуриманованың "Физкультура шөгыльләрендә халык авыз иҗатын куллану" дигән чыгышы, 4. Тәрбияче Фирүзә Закированың "Балаларга көтелмәгән хәлләрдән чыгу юлларын өйрәтү" дигән чыгышы тыңланды. Педагогик киңәшмәнең карары: 1. Балалар бакчасында хәрәкәт активлыгын балаларның сәламәтлеген саклау һәм ныгытуны истә тотып оештырырга. 2. Террорчылык акты очракларыннан белем бирү учреждениеләрен, балаларны һәм хезмәткәрләрнең куркынычсызлыгын саклау турында приказны тиешенчә үтәргә.

Бүген балалар бакчасында гомуми ата-аналар җыелышы булды. Көн тәртибе буенча Бакча мөдире Гүзәл Рифәк кызы Сәрвәрованың еллык план турында чыгышы тыңланды, өлкән шәфкать туташы Рәмилә Рәшит кызы Ильясова медосмотр нәтиҗәләре белән таныштырып китте, балалар бакчасында туклануны оештыру турында сөйләде, тәрбияче Лилия Вазих кызы Мирзасалихова "Федераль дәүләт белем бирү стандартлары шартларында балаларны икетеллелеккә өйрәтү" дигән презентация күрсәтте. Ата-аналардан бакчада икетеллелек турында, бакча эшчәнлеге турында анкеталар алынды.