Бакчабызда һәм авыл җирлегендә җәйге эшләр сезоны ачылды. Бакча коллективы бүгенге көндә чәчәк үсентеләрен утыртып бетерү, су сибү эшләре белән беррәттән юл буйланы чабу, чистарту кебек өмәләрдә дә актив катнаша.

Бүгеннән Яңа Әлем балалар бакчасы җәйге режимда эшли башлады. Җылы вакытка көндәлек режим, шөгыльләр челтәре, җәйге сәламәтләндерү планы төзелеп, шулар буенча эш оештырыла. 2 төркемдә барлыгы 36 бала тәрбияләнә.

Бүген мәктәпкә әзерлек балалары тәрбияче апалары Закирова Фирүзә, Габидуллина Җәүһәрия, шәфкать туташы Ильясова Рәмилә белән табигать кочагына экскурсиягә чыктылар.

Бүген балалар бакчасында Сабантуй! Балалар халкыбызның гореф-гадәтләрен, йола- бәйрәмнәрен белеп, аңлап, үз милләтләре белән горурланып үсәләр. Сабантуйда алар төрле уеннар уйнап күңел ачтылар.

Бүген бакчада мәктәпкә әзерлек төркеме балаларын мәктәпкә озату бәйрәме. Хәерле юл, балалар!!!

Балалар мәктәпкә чыгып киткәнче яраткан уеннарын уйнап калырга ашыгалар. Сагынырбыз инде бакчабызны!

21,22 нче май көннәрендә балалар бакчасына өмәгә килүче әтиләргә зур рәхмәтләребезне белдерәбез, сәламәтлек, эшләрендә уңышлар телибез.

“Нарасый”

1.  Индаев Камил

2.  Шакиров Илнур

3.  Салахов Илнур

4.  Миңнегалиев Марат

5.  Ашуров Закирҗан

“Куянкай”

1.  Индаев Камил

2.  Шакиров Илнур

3.  Мөхәмәдиев Илсур

4.  Шәрипов Алмаз

5.  Хәйдәров Динар

6.  Шәрипов Риназ (Альмир)

7.  Исламов Марат

“Теремкәй”

1.  Гыйльфанов Рафик

2.  Шакиров Филүс

3.  Миннәхмәтов Хәлил

4.  Фатихов Ленар

5.  Нуриманов Вазил

“Тиенкәй”

1.  Мөхәтетдинов Рафак (Рамис)

Бүген балалар бакчасында зур өмә. Әтиләребез килеп төрле ремонт эшләре башкардылар. Балалар бакчасы территориясендәге ватылган каралты-кураны, коймаларны, уен зоналарын, беседкаларны төзәттеләр. Аларга зур рәхмәтләребезне җиткерәбез!

Мәктәпкә әзерлек төркеме балалары тәрбиячеләре Закирова Фирүзә Өлфәт кызы һәм Габидуллина Җәүһәрия Фоат кызы белән чыгарылыш бәйрәменә әзерләнәләр.

Уку елы ахыры якынлашканда төркемнәрдә балаларның белем дәрәҗәләре тикшерелә - диагностикалар үткәрелә.