Россия фәннәр олимпиадасының район этабында катнашучы укучыларыбыз уңышлары белән сөендерүләрен дәвам итәләр. Бүген технология фәненнән берничә көнгә сузылган олимпиада нәтиҗәләре билгеле булды. Кызлар арасында Шигапова Таңсылу (9 класс), Гараева Адилә (10 класс) – җиңүчеләр булып танылдылар (укытучылары Хөснетдинова Гүзәл Фәрит кызы). Егетләр арасында Миргаязов Ренат (7 класс) – призер, Хөсәинов Раил (9 класс) – җиңүче (укытучылары Сибгатуллин Ришат Тимершәех улы), Саттаров Самат (6 класс) – призер (укытучысы Мөхәмәдиев Дилшат Сәгыйть улы) исеменә лаек булдылар. Укучыларны һәм остазларын чын күңелдән уңышлары белән котлыйбыз. Әфәрин!  

Мәрхәмәтле булыйк! Мөмкинлекләре чикләнгәннәр декадасы кысаларында тагын бер очрашу булып узды: Теләкәй авылында гомер итүче Резеда Вагизова интернаттагы балалар белән күреште. Резеда апалары, язмыш сынауларына да карамастан, яшәү ямен югалтмыйча, күңелгә якын шөгыль табып, тормышта үз урыныңны булдыру мөмкинлеге турында сөйләде. Укучылар аның кул эшләре белән кызыксындылар, үзләренең сорауларына җаваплар алдылар.

8 - 11  класслар укучылары өчен, ветеран укытучы, РСФСРның мәгариф отличнигы Усманова Тәхия Әхтәм кызы үткәргән тәрбия сәгате тел темасына багышланды. Тәхия Әхтәм кызы тормыштан алынган мисаллар белән дәлилләп, туган телне өйрәнүнең кирәклеген аңлатты, укучыларның сорауларына җавап бирде.

Кызганычка каршы тормыш  гел уңай күренешләрдән генә тормый, кайвакыт җәмгыятькә, кеше шәхесен зарарлауга юнәлдерелгән очраклар да килеп туа. Яшүсмерләр арасында тиз арада популярлык алган “снюс” – никотинлы матдәләрнең килеп чыгуы һәм кулланылышка кереп китүе шундыйлардан булып тора. 

Россия фәннәр олимпиадасының район этабында катнашучы укучыларыбыз уңышлары белән сөендерүләрен дәвам итәләр. Бүген физика фәненнән көчләрен сынаучылар түбәндәге нәтиҗәләрне күрсәттеләр: Вәлиева Нәфисә (9 класс) – I урын, Хусаинов Раил (9 класс) – II урын, Рахманов Азамат (11 класс) – II урын, Гилаев Айнур (7 класс), Төхбәтуллин Булат (8 класс), Хәйбиев Әмир (10 класс) – җиңүчеләр исеменә лаек булдылар. Укучыларны һәм укытучылары Багаутдинова Римма Гранит кызын җиңүләре белән котлыйбыз!

Гимназиядә күренекле шәхесләр белән очрашулар дәвам итә. Бүген  Галиәсгар Камал исемендәге Татар дәүләт академия театры артисты, режиссер. Габдулла Тукай премиясе лауреаты (2009), Татарстанның халык артисты, Бердәм Русия фиркасеннән VI чакырылыш Татарстан Дәүләт Шурасы депутаты Рамил Чыңгыз улы Төхфәтуллин үзенең эшлекле визиты кысаларында гимназия яшәеше белән танышып үтте. Рамил Чыңгыз улы гимназиядә татар теле укытылышы, проектлар эшчәнлеге белән кызыксынды, Әлфия Авзалова музеенда булды. 

Игелек эшлә дә, суга сал - халык белер, халык белмәсә, балык белер ди халык мәкале. Җомга көнне, педагог-оештыручы һәм интернат тәрбиячеләре җитәкчелегендә оештырылган, мөмкинлекләре чикләнгән балалар белән очрашу әлеге мәкальнең дәлиле булып тора. 

5 декабрь көнне 6 класс укучылары, педагог-психолог Гөлназ Темерзадаевна һәм тәрбияче Айгөл Ралифовна җитәкчелегендә, районыбызның «Ихлас» психологик hәм педагогик хезмәт күрсәтү үзәгенә экскурсиягә бардылар. 

1.   

Илкүләм үткәрелгән "Игелек марафоны"нан гимназия укучылары да читтә калмый. Бүген  5нче сыйныфлар Республикакүләм "Игелек дәресләре" акциясенә кушылды: аларга волонтерлык эшчәнлеге турында мәгълүмат бирелде. Әңгәмә ахырында әлеге юнәлештә эшләргә теләгән укучылар үзләре дә, өлкән сыйныфларга кушылып, добровольцыроссии.рф интернет челтәрендә теркәлде.

1 декабрь - СПИД авыруын кисәтү көне уңаеннан, гимназиядә район үзәк хастаханәсе эпидемиологы Мухитова Эльвира Илшатовна белән очрашу үтте. Табиб 8-10 класс укучыларына ВИЧ-инфекцияләр, йогышлы авыруларның таралу юллары, профилактика чаралары турында аңлатты, укучылар үзләрен кызыксындырган сорауларга җаваплар алдылар.