Олимпиада көндәлеге. Химия фәненнән Россиякүләм олимпиаданың  республика этабы нәтиҗәләре билгеле булды:  11 класс  укучысы Галлямова Эльвина призерлар исемлеген тулыландырды. Эльвинаны һәм остазы Гарипова Рузилә Илдар кызын җиңүләре белән котлыйбыз! 

Бүген гимназиягә районыбызның “Гәрәбә” клубы үзешчәннәре экскурсиягә килде. Лаеклы ялдагы хезмәт ветераннары гимназия тормышы белән танышты, Әлфия апа Авзалованың туган көнен искә алып, музейга сәяхәт кылдылар. Музейда урнаштырылган караоке системасына кушылып, Әлфия апа репертуарынннан җырлар җырлап, күңел ачтылар. Очрашу чәй табыны артында дәвам итте.

Актаныш районы имам-мөхтәсибе Руслан хәзрәт Мортазин  гимназия укучыларына әдәп-әхлак укулары үткәрә башлады. Бүгенге очрашуда 8, 9, 10 класс укучылары катнашты. Хәзрәт балаларга әдәп-әхлак төшенчәләре, гыйлемнең кирәклеге турында мәгълүматлар җиткерде.

Гимназия-интернат базасында ачылган Әлфия Авзалова музее укучылар һәм киң җәмәгатьчелек өчен хезмәт күрсәтә башлады. Музей җитәкчесе, татар теле һәм әдәбияты укытучысы Әһлетдинова Ландыш Филүс кызы гимназия укучыларына Әлфия апа иҗаты белән таныштыру экскурсиясе ясады.

Гимназиякүләм сәламәт яшәү рәвешен пропогандалау максатыннан чыгып, укучылар арасында чаңгы ярышлары башланып китте. Ярышлар өч көнгә бүлеп оештырыла:

14 январь - 8, 9, 10, 11 классы егетләре;

15 январь - 5, 6, 7 класс укучылары;

16 январь - 8, 9, 10, 11 классы кызлары.  

Республикакүләм "Олимпка юл" фәннәр олимпиадасының физика фәненнән нәтиҗәләре билгеле булды: Гыйлаев Айнур (7 класс) - җиңүче, Хайбиев Әмир (10 класс), Төхбәтуллин Булат (8  класс) призерлар исемлеген тулыландырдылар. Укучыларны һәм остазлары Багаутдинова Римма Гранит кызын җиңүләре белән котлыйбыз! Афәрин! 

Өченче чирек гимназия укучылары өчен уңышлы башланып китте: Татарстан һәм татар халкы тарихы фәненнән республикакүләм олимпиаданың йомгаклау этабында Зилия Мансурова (9 класс), Газиз Мансуров (10 класс), Рафаэль Рафиков (11 класс) – призерлар исеменә лаек булдылар. Укучыларны һһәм остазлары Гыйлметдинов Марат Илсур улын җиңүләре белән котлыйбыз! Әфәрин!

Бүгеннән укучыларның кышкы каникуллары башланды. 3 чирек 9 гыйнвардан башланачак. Ялларыгыз күңелле, файдалы һәм имин генә үтсен! Яңа еллар мөбәрәк булсын!

Гимназия-интернатта яңа ел тамашалары башланып китте. Бүген, “Бүләк” олимпиада үзәге базасында, 5-8 класс укучыларының бал-маскарады үтте. 8 класс коллективы (класс җитәкчесе Фәйзуллин Рөстәм Уел улы, тәрбиячеләре Хөҗҗәтова Гөлназ Илгизәр кызы) тарафыннан оештырылган кичә, укучыларга бәйрәм рухы бүләк итте. Бәйрәм барышында “Иң матур бәйрәм костюмы” (Рахматуллина Миләүшә) һәм “Иң актив катнашучы класс” (7а классы) ачыкланды. Кичәдән барлык укучылар да бәйрәм кәефе һәм бүләк каплары белән таралыштылар. 

Татар теленнән Республика фән олимпиадасының муниципаль этабы сөенечле нәтиҗәләр китерде:  Шакирова Лиана (5 класс) – җиңүче, Миргалимова Сөмбел, Маликова Азалия (5 класслар) – призерлар, 6 класс укучылары  Исламова Рузалия, Мингазова Нурзилә, Амирханова Рәмилә,  Ибрагимова Алия, Шаемова Гөльяр – призерлар, 7класс укучысы Гарифуллина Руфинә – җиңүче, Усманова Алинә, Зарипова Алинә, Валиева Мәдинә, Гараева Рәмилә (7 класс) – призерлар, Хафизова Айназ (8 класс), Валиева Нәфисә, Усманова Адилә (9 класс)  -  призерлар, 10 класс укучысы Фәрдиева Алисә – җиңүче, Имамов Сирин,  Валиева Диана  (10 класс) – призерлар,  11 кл. Исаева Эльза (11 класс) - җиңүче,  Сафиуллина Алия (11 класс) – призер исемнәренә лаек булдылар. Укучыларны һәм остазлары Әгълетдинова Ландыш Филүс кызы, Шәрипова Чулпан  Рәмзил кызын, Хәева-Хәмитҗанова Венера Хәмәтнасыйх кызын җиңүләре белән котлыйбыз, республика этабында уңышлар телибез!