Дүшәмбе, 26 октябрьдә, гимназиянең VIII класс укучылары һәм үзидарә Шаян ТВ каналы белән онлайн очрашу үткәрде.
Пиар бүлеге җитәкчесе Руслан Хафизов каналда барган проектлар белән таныштырды. Гимназистларны хезмәттәшлеккә чакырды.

Узган атна тарих атналыгы белән истә калачак. Укытучылар Миләүшә Мәгъсүмовна, Марат Илсурович, Айдар Рәсимович тарафыннан түбәндәге чаралар үткәрелде: «Княжеские междоусобицы» рольле уен, Конституцияне иң яхшы белүче бәйгесе, “Гражданское право” дебатлар, шулай ук укытучылар тарафыннан ачык дәресләр күрсәтелде. Атна дәвамында төрле тарихи даталар уңаеннан инфоматка укучылар тарафыннан ясалган рәсемнәр, комикслар куелды.

18-19 нчы октябрь көннәрендә гимназиянең алдынгы укучылары Казанга сәяхәт кылдылар. 
Әлеге 2 көн чараларга бик бай булды. Укучылар бик күп музейларда булдылар, Камал театрында спектакль карадылар, Казан Федераль университетында да кунак булырга җитештеләр.
Барлык оештыручыларга зур рәхмәт! 

20-21 октябрь көннәрендә "Яшьлек" яшьләр үзәгендә 5-11сыйныфлар өчен "Сөмбелә" бәйрәме үткәрелде. Кечкенәләр төркеме өчен “Сөмбелә” традицион форматта үтсә, зуррак сыйныфлар бу елны “Татарча Хеллоун” тәкъдим иттеләр. 

Чараны 6б һәм 9б сыйныфлары оештырдылар һәм алып бардылар. 
Катнашучылар оештыручы сыйныф әзерләгән барлык биремнәрне уңышлы үтәп чыктылар, искиткеч көзге композицияләр тәкъдим иттеләр. 
Шулай ук чаралар һәр сыйныфтан тематик концерт номеры белән үрелеп барды. 
Нәтиҗәдә, 5-7 сыйныфлар арасында 1 нче урынны 5А сыйныфы алды. Ә 8-11 сыйныфлар арасында 11 Б сыйныфы җиңүче булды.

17 октябрь көнне гимназия укучылары онлайн-марафон –Тоталь диктант акциясенә кушылдылар.
Әлеге акцияне, чын мәгънәсендә, рус теле бәйрәме дип атарга мөмкин. 17 сәгатькә дәвам иткән марафонда гимназия укучылары да актив катнашты.

Казан шәһәренә оештырылган сәяхәт барышында гимназия укучылары Казан федераль университеты ректоры Илшат Гафуров белән шәхсән очрашу мөмкинлегенә ия булдылар. Узган елны университет белән Актаныш муниципаль районы арасында хезмәттәшлек турында килешүгә кул куелган иде. Әлеге очрашу да ике якның дустанә мөнәсәбәтләренең бер дәвамы булды.

Узган атнада 2020 елда аттестация үтүче гимназия педагогларының гаризалары мәгариф һәм фән министрлыгына җибәрелде. Шулай ук тәрбияче, педагог-организаторның һәм укытучыларның ачык дәресләр һәм дәрестән тыш чаралар буенча директор урынбасары янында киңәшмә үтте.
Ачык дәресләр һәм чаралар графигы төзелде.

13 октябрь көнне 6 а һәм 6 б сыйныф укучылары “Яшьлек” яшьләр үзәге бинасында “Өлкәннәр көне” бәйрәмен оештырдылар. Әлеге чарага укучыларыбыз үзләренең әби-бабайларын, әти-әниләрен чакырдылар.

16-17 октябрь көннәрендә гимназиякуләм баскетбол турниры узды. Ике көн дәвамында ике төркем гимназистлар баскетбол ярышында көч сынаштылар.

Буген без, 9нчы сыйныф укучылары-волонтерлар.
70 яшьлек 1 группа инвалид Галиева Илгизэ Шихап кызына тэрбиячебез Алена Миннесаниф кызы житэкчелегендэ шефлыкка бардык. Капка алдын коелган яфраклардан чистарттык. "Улларым, кызларым, рэхмэтлэр яусын сезгэ!"-дип соенеп калды. Олкэн яшьтэге эби-бабаларыбызны онытмыйк. Олы кешенен эздэн дэ кунеле була бит.