Муниципальное бюджетное дошкольное образовательное учреждение «Детский сад общеразвивающего вида №7 с. Актаныш» Актанышского муниципального района Республики Татарстан
Визитная карточка
| Адрес: | 423740, Республика Татарстан, Актанышский район, с. Актаныш, пр. Ленина, д. 65а |
| Телефон: | +7(855)-523-19-26 |
| E-Mail: | Detsad7.Aktanysh@tatar.ru |
| Министерство: | Министерство образования и науки Республики Татарстан |
| Короткое название: | МБДОУ "Детский сад №7 с.Актаныш" |
| Руководитель: | Харисова Альфира Максутовна |
| Год основания учреждения: | 1992 |
| У нас учатся: | 120 воспитанников |
| У нас учат: | 13 педагогов |
Муниципальное бюджетное дошкольное образовательное учреждение «Детский сад общеразвивающего вида №7 с. Актаныш» Актанышского муниципального района Республики Татарстан - новости
Страницы: << 51 52 53 54 55 56 57 58 ( 59 ) 60 >>
-
Ел тәрбиячесе-2018 04.04.2018

3 апрель көнне “Ел укытучысы - 2018”, “Ел тәрбиячесе - 2018”, “Ел сыйныф җитәкчесе - 2018” “Ел педагог-оештыручысы - 2018”, “Ел өстәмә белем бирү педагогы - 2018” ,“Ел педагог-психологы - 2018” Республикакүләм бәйгенең муниципаль этабы җиңүчеләрен, лауреатларын бүләкләү тантанасы уздырылды.
Бакчабызның югары категорияле тәрбиячесе Шайхулова Әминә Галимардан кызы "Ел тәрбиячесе-2018" бәйгесендә 3 урын яулап, бу тантаналы чарада катнашты.
Әминә Галимардан кызын җиңү белән котлыйбыз, эшендә зурдан-зур уңышлар телибез!!!
-
Хуш киләсез, кошкайлар!!! 03.04.2018

1906 нчы елдан башлап дөньякүләмендә Халыкара кошлар көне үткәрелә.1906 нчы елның 1 нче апрелендә кошларны саклау буенча Халыкара конвенциягә кул куела, ә Россия моңа 1927 нче елда кушыла. Шулай итеп, безнең илдә 1927 нче елның 1 нче апреленннән башлап кошлар көнен үткәрү традициягә кергән.
Бездә дә бу бәйрәмне уздыру матур традициягә әйләнде. Яз белән кыш тарткалашса да, яз үзенекен итә, юллар карала, кояш туры карап, җылы нурлары белән безнең күңелләрне иркәли. Үзләренең туган нигезләрен онытмаган канатлы дусларыбыз - кошларыбыз туган якка кайталар ә бакчабызның уртанчылар группасы балалары аларны "Хуш киләсез, кошкайлар" бәйрәмендә бик сөенеп каршы алдылар. Тәрбияче Валиева Венера Фаис кызы һәм музыка җитәкчесе Басыйрова Чулпан Инсаф кызы җитәкчелегендә әзерләнгән бу бәйрәм кошлар турындагы җырлар, шигырьләр сөйләү, мәкальләр әйтешүләр, уеннар белән үрелеп барды. Башка төркем балалары күчмә кошлар турындагы булган белемнәрен ныгытып,яңаларын үзләштереп, бәйрәмнән кәеф күтәренкелеге белән таралыштылар.
-
Предметлы үстрешле тирәлекне оештыру 29.03.2018

Бакчабызның педагогларының белемнәрен күтәрү максатыннан "Федераль дәүләт белем бирү стандартлары кысаларында предметлы үстерешле тирәлекне оештыр"у темасында семинар -практикум узды. Семинар барышында педагоглар балаларның белем -тәрбия процессын алып бирү өчен ФДББС куйган тәлапләрне, төркемнәрдә нинди үзәкләр булырга тиешлеген искә төшереп үттеләр.Өлкән тәрбияче Нуриахметова А.Ф. психологик үзәкне оештыру узенчәлекләренә тукталды, педагог-психолог Асылова Д.М. шушы үзәктә үсешендә ниндидер тайпылышлары булган балалар белән эш алып барыр өчен уеннар тәкъдим итте.Семинар бик кызыклы булды һәм эшлекле рәвештә узды.
-
Консультатив пункт янә кунакка дәшә... 28.03.2018

Әләге балалары балалар бакчасына йөрмәүче әти-әниләр игътибарына!!
Хөрмәтле әти-әниләр!!!
Сезне 29 март көнне 10 сәг.00мин. бакчабызның музыка залында чираттагы очрашуга көтеп калабыз.
Сезне һәм балаларыгызны әкият геройлары белән кызыклы очрашулар, җырлы-биюле уеннар, тозлы камырдан могъҗизалар тудыру кебек чаралар көтә.
Рәхим итегез! Көтеп калабыз!
-
Нәүруз бәйрәме 27.03.2018

Балаларны татар халкының милли бәйрәмнәре белән таныштыруны дәвам итү, халкыбызның борынгы уеннары аша балаларда йола-бәйрәмнәргә карата кызыксыну, хөрмәт хисләре тәрбияләү максатыннан бакчабызда Нәүрүз бәйрәме узды.
Ниһаять, балалар сагынып көткән, үзенең ямьле көннәре, кошлар сайравы белән сөендергән яз да килеп җитте. Ә язның иң матур бәйрәмнәренең берсе – Нәүрүз бәйрәме. Шау-гөр килеп, каршы алды балалар язны.
Зурлар төркеме балалары , тәрбияче Шайхулова А.Г., музыка җитәкчесе Басыйрова Ч.И тарафыннан әзерләнгән бәйрәмдә өйдән-өйгә йөреп күчтәнәчләр җыйдылар, уеннар уйнадылар, мәкальләр, сынамышлар әйтештеләр, җырладылар , биеделәр һәм Былтыр белән Нәүрүзбикәне табып, бәйрәмгә алып килделәр. Нәүрүзнең Кыш Бабай белән көч сынашуы, Нәүрүзнең җиңүе- бәйрәмнең иң күңелле мизгеле булды.
Балаларыбызны бәхетле итеп күрү безнең өчен зур сөенеч. Шуңа күрә иң мөһиме –балаларыбыз сау-сәламәт булсын, балачаклары бәхетле, алдагы гомер юллары шатлык һәм уңышлардан гына торсын.
-
Тәҗрибә уртаклашабыз 23.03.2018

23 мар көнне Пучы балалар бакчасында ФДББС тормышка ашыру буенча база мәйданчыгың чираттагы утырышы узды. Бу чара "Балалар бакчасында балаларны икетеллелеккә өйрәтү" темасы астында узды. Икенче кечкенәләр һәм уртанчылар төркемнәрендә ана теленә өйрәтү буенча ачык белем бирү эшчәнлекләре , мәктәпкә хәзерлек төркемендә рус халык әкияте "Гуси-лебеди"ны сәхнәләштерү каралып үтте.
-
Тәрбиячеләрнең район-методик берлешмә утырышы 22.03.2018

22 март көнне "Актаныш гомуми үсеш бирүче 5нче балалар бакчасы"МБББУ базасында район балалар бакчалары тәрбиячеләренең "Балаларның эмоциональ хәләтен үстерүдә һәм коррекцияләүдә театраль уеннар" темасындагы чираттагы район методик берләшмә утырышы узды. Бакчабызның тәрбиячеләре Насыйрова Г.Р., Шайхулова А.Г., Садртдинова Ф.И. ачык чаралар күзәтеп, чыгыш тыңлап, мастер-класслар карап, каралган чаралар буенча фикер алышып, үз белемнәрен күтәреп кайттылар
-
Сайлау - 2018 16.03.2018

Хөрмәтле әти-әниләр!
18 март - Россия Президентын сайлаулар көне.
2018 елның 18 марты - илнең төп сайлау көне! һәр тавыш мөһим булган Көн, илнең язмышы хәл ителгән һәм безнең киләчәгебезне билгеләгән көн.
Сезне Сайлауларда актив катнашырга чакырабыз. Сайлауга бару - безнең гражданлык бурычыбыз.
-
Казаннан килгән маҗара 13.03.2018

Бүген бакчабыз балаларның шат көлүеннән яңгырап торды.
Башкалабыз Казаннан килгән артистлар балаларны төрле мавыктыргыч фокуслар, Дәвид Копперфильд репертуарында булган номерларны күрсәтеп, шаккаттырдылар.Балалар үзләре дә фокусларда катнашып, чып-чын могъҗизачылар булдылар. Рәхәтләнеп көлеп, уеннар уйнап, күңел ачып, артистларга рәхмәтләр әйтеп, группаларга таралыштылар
-
Зурлар группасында 8 март бәйрәме 07.03.2018

Бәйрәмнәр дәвам итә...Зурлар группасы балалары бүген әниләрен бәйрәм белән котлап, И.Токмакованың "Ку-ка-ре-ку!" әсәрен сәхнәләштереп күрсәттеләр. Әниләр төрле уен- бәйгеләрдә катнашып, көч сынаштылар, балаларның котлауларын тынладылар. Балалар әниләренә үз куллары белән эшләгән бүләкләрен тапшыруы-бәйрәмнең иң күңелле мизгеле булды.





